ஜுன் 9-ஆம் தேதி என் காட்டில் மழை- சித்தார்த்

Passion studios நிறுவனம் தயாரிக்கும் படங்களின் வரிசையில் வரும் ஜுன் 9-ஆம் தேதி வெளியாகயுள்ளது டக்கர் படம். இப்படத்தில் சித்தார்த் ஹீரோவாக நடித்துள்ளார். இயக்குநர் ஷங்கரிடம் உதவி இயக்குநராக பணிபுரிந்த கார்த்திக் கிரிஷ் இப்படத்தை இயக்கியுள்ளார். இவர் ஏற்கெனவே கப்பல் என்ற படத்தை இயக்கியவர். இன்று இப்படத்தின் ப்ரஸ்மீட் சென்னையில் நடைபெற்றது. பிரஸ்மீட்டில் கலந்து கொண்டு நடிகர் சித்தார்த் பேசும்போது, “எனக்கே என்னை புதுசாக காட்டிய படம் டக்கர். நான் இதுவரை எந்த இயக்குநரோடும் தொடர்ந்து இரண்டாவது படம் பண்ணியதே இல்லை. இந்த இயக்குநரிடம் அடுத்தப்படமும் வொர்க் செய்ய வேண்டும் என்று முடிவெடுத்துள்ளேன். இப்படத்தின் டீசர் பெரும் விவாதங்களை கிளப்பியிருக்கிறது. இந்தப்படம் எனக்கு ஜுன் 9-ஆம் தேதி என்ன தரப்போகிறது என்று கேட்டால், நிச்சயமாக அன்று என் காட்டில் மழை கன்பார்ம். எனக்கு இது ஒரு வெற்றிப்படம் என்பதில் மாற்றமில்லை” என்றார்.