நாடோடித்தடம்-ஒரு புத்தகம்/ஒரு பார்வை

வெறும் புணர்தல் சார்ந்த சம்பவங்களை இப்படியும் எழுதி விட முடியுமா!!! எனும் ஆச்சர்யத்தை விளைவித்தது.

நூலின் ஆசிரியர் ராஜ சுந்தரராஜனின் பணி புறப்பாடில் இருந்து அவரின் பல புணர்பாடுகளையும் சொல்லிச் சென்றிருக்கும் அனுபவ தெறிப்பே இந்நூல்…

காமம் தாண்டிய…காமத்தைத் தாண்டிய வேறோர் ஈர்ப்பு இங்கில்லை என்பது தான் உண்மையோ என்றஞ்சும் அளவிற்கு நூலுங்கும் பாலியல் வேட்கையும்..வேட்டையும்..ஆனாலும் புத்தகம் வேட்டை கிடைத்த நிறைவைத் தருகிறது…அதற்கு இரண்டு காரணங்கள்..

1: இந்தச் சம்பவங்களை எல்லாம் எழுத அவர் பயன்படுத்தி இருக்கும் மொழிநடை..ஆஹா அபாரம்..பஸ் நிறுத்தத்தில் பொதுகழிப்பிடத்தில் காமம் கழிக்கும் நிகழ்வைக் கூட…”வேர்க்கடலை விற்கிற பெண்கள் பாற்கடலையும் விற்கிறார்கள்” என்கிறார்.

2: முழுக்க முழுக்க தனது சொந்த அனுபவங்களை எந்தப்பாசாங்கும் இல்லாமல்…அதேநேரம் பாவ மன்னிப்பும் வேண்டாமல் எழுதியிருக்கிறார். தனது அகவாழ்க்கை காயங்களைக் கூட மறைக்கவில்லை அவர்.

பெண்ணியம் காப்பதே ஆணினத்தின் ஆணி என்பதைப் போன்ற கூட்டக்கூச்சல் போடாமல் பெண்ணதிகாரத்தைச் சிறப்பாக கையாண்டிருக்கிறார்..
போகிறபோக்கில் அரசியல் வாதிகளையும் சாதியத்தையும் சாடி வெடித்திருப்பது நல்ல சிறப்பு…அரசியல் ஆன்மிகம் உளவியல் தத்துவம் என எல்லாத் தரிசனமும் நூலில் கிட்டும்..

அப்புறம் புத்தகம் எனக்குச் செய்த ஒரு சகாயம் உண்டு

“நானொரு கதை எழுதி தினேஷ் ராம் -க்கு அனுப்பினேன்..அவர் இந்தப்புக்கைத் தந்து, “இதபடிச்சிட்டு அப்புறம் உங்க கதையை எழுதுங்கய்யா”ன்னார்..நல்ல விசயம்…நான் இப்ப எழுதுற கதையோட ப்ளோவை மாத்திட்டேன்..செய்வோம் சிறப்பாச் செய்வோம்

மேலும் புத்தகத்தின் மிக முக்கிய அழகியல்…இதோ அவர் நூலில் பயன்படுத்தியுள்ள பழந்தமிழ் சொற்கள்😘 (இதை ஹஷி என்பவர் நோட்.பண்ணியிருந்தார்)

பயல் நண்பன் – boyfriend !

சொடுக்கி – switch

துயனுதல் – இயங்குதல்

நாவுதல் – navigate

நயவுதல்- ரசித்தல்

நூவலியர் – novelist

தானி – auto rikshaw

உறழ்வு – logic

ஒப்புரவு – support , charity

வீளை – whistle

தெவிளுதல் – manifest

வட்டிடைக்குறை – traffic circle

செறிவுயவு – seriousness

அதர் – valve

தேரம் – duration

நிழறுகள் – shades