லெக்பீஸ்- விமர்சனம்

காமெடி செய்வது வேறு, காமெடி செய்ய முயற்சிப்பது வேறு! சில சமயம் சில முயற்சிகள் வொர்க்கவுட் ஆகிவிடுவதும் உண்டு. இந்த லெக்பீஸ் வொர்க் ஆகியுள்ளதா?

ஸ்ரீநாத், மணிகண்டன், ரமேஷ்திலக் உள்ளிட்ட நான்குபேர் நண்பர்கள். இவர்களுக்குள் ஒரு நட்பு பூக்க வறுமையும் ஒரு காரணம். சாலையில் கிடைக்கும் 2000 ரூபாய் பணத்தின் மூலமாக இவர்களுக்கு ஒரு பிரச்சனை ஏற்படுகிறது. அதிலிருந்து இவர்கள் எப்படி விடுபட்டார்கள் என்பதே கதை

கதையில் நிறைய நடிகர்கள். இயக்குநரான ஸ்ரீநாத் ஒரு முக்கியக் கேரக்டரில் நடித்துள்ளார். யோகிபாபு அவ்வப்போது வந்து கிச்சுகிச்சு மூட்ட முயற்சித்துள்ளார். ரமேஷ்திலக், ஜான் விஜய், மணிகண்டன், மதுசூதனராவ், ரவிமரியா ஆகியோர் வாங்கிய சம்பளத்திற்கு வஞ்சனை செய்யாமல் நடித்துள்ளனர்

படத்திற்கு தேவையான ஒத்துழைப்பை வழங்கியுள்ளது பின்னணி இசை. பாடல்கள் இன்னும் நன்றாக அமைந்திருக்கலாம். எடிட்டர் தனது கத்திரிக்கு இன்னும் வேலை கொடுத்திருக்கலாம். கேமராமேன் மிகவும் நார்மலான காட்சியனுபவத்தை வழங்கியுள்ளார்

திரைக்கதை மொத்தமும் காமெடியை முன்வைத்தே நகர்கிறது. காமெடி மிகச்சில இடங்களில் மட்டுமே எடுபட்டுள்ளது. யோகிபாபு மனைவி மூலம் அமைக்கப்பட்டுள்ள காமெடி வசனங்கள் அபத்தம். ஒருசில சீக்வென்ஸ் தரமாக அமைந்துள்ளது. இன்னும் சற்று சிரமேற்கொண்டு எழுதி, இயக்கியிருந்தால், இந்த லெக்பீஸ் இன்னும் சுவையாக இருந்திருக்கும்.

சும்மா டைம்பாஸ் ஆகணும் என்று நினைப்பவர்கள் லெக்பீஸை சாய்ஸாக எடுக்கலாம்
2.5/5
-வெண்பா தமிழ்