உலகளாவிய மொழிகளில் வெளியாகும் ஹனு-மேன்!

இயக்குநர் பிரசாந்த் வர்மா இயக்கத்தில், நட்சத்திர நடிகர் தேஜா சஜ்ஜா கதையின் நாயகனாக நடித்திருக்கும் திரைப்படம் ‘ ஹனு- மேன்’. இந்த திரைப்படத்தின் டீசர் வெளியாகி பெரும் தாக்கத்தை ஏற்படுத்தி இருக்கிறது. டீசரில் இடம் பெற்றிருக்கும் பிரம்மாண்டமான காட்சி அமைப்புகள் மற்றும் பின்னணி இசையின் மாயாஜாலத்தில், தேச எல்லைகளைக் கடந்து உலகளவில் மக்கள் வியப்படைந்திருக்கிறார்கள்.
\
இந்த அறிவிப்புக்காக பிரத்யேக காணொளி ஒன்றையும் படக்குழுவினர் வெளியிட்டிருக்கிறார்கள். இதில் உலக வரைபடத்தை காண்பித்து எந்தெந்த நாடுகளில் வெளியாகிறது என்பதை காவி வண்ணத்தில் குறிப்பிட்டு, அதன் பின்னணியில் ஆஞ்சநேயரின் ஸ்தோத்திரமும், இசையையும் இணைத்திருக்கிறார்கள். இறுதியில் ‘அனுமானின் பேரரசு’ என தனித்துவமான அடையாளத்தை காட்டும் வகையில் வெளியிடப்பட்டிருக்கும் இந்த காணொளி பெரும் தாக்கத்தை ஏற்படுத்தி வருகிறது.

ஹனு-மேன் அடிப்படையில் அஞ்சனாத்திரி என்ற கற்பனை உலகில் வடிவமைக்கப்பட்டுள்ளது. கதையின் நாயகன் அனுமானின் சக்திகளை பெற்று அஞ்சனாத்திரிக்காக எப்படி போராடுகிறான் என்பதுதான் கதையாக வடிவமைக்கப்பட்டிருக்கிறது என தெரிய வருகிறது. இந்தப் படத்தின் கருத்துரு, உலகளாவியதாக இருப்பதால் உலகம் முழுவதும் இதற்கான வரவேற்பு கிடைக்கும் என எதிர்பார்க்கப்படுகிறது.

இதனால் தயாரிப்பாளர்கள் இந்த ‘ஹனு-மேன்’ திரைப்படத்தை மே மாதம் 12ஆம் தேதி அன்று கோடைகால விடுமுறையில் தமிழ், தெலுங்கு, இந்தி, மராத்தி, கன்னடம், மலையாளம் என இந்திய மொழிகளில் மட்டுமல்லாமல், ஆங்கிலம், ஸ்பானிஷ், கொரியன், மாண்டரீன், ஜப்பானிய மொழியில் வெளியிடப்படும் என அறிவித்திருக்கிறார்கள்.