V3- விமர்சனம்

எடுத்துக் கொண்ட கதைக்களத்திற்காக மட்டுமே நம் கவனத்தை ஈர்க்கும் படங்கள் சில உண்டு. அப்படியான படங்களின் பட்டியலில் சேர முயற்சித்துள்ளது V3 திரைப்படம்

பெண்கள் மீதான பாலியல் அத்துமீறல் பிரச்சனைகளுக்கு கொடுக்கப்படும் தண்டனையில் உள்ள சில முக்கியமானவற்றைப் பற்றிப் பேசுகிறது படம்.

ஆடுகளம் தானுண்டு தன் மகள்களுண்டு என வாழ்ந்து வருகிறார். அவரின் வாழ்வில் பெரும் சிக்கல் ஒன்று நடக்கிறது. அதற்கான தீர்வை நோக்கிப் பயணிக்கும் கதையில் முடிவு என்ன? என்பதை திரைக்கதை ஆக்கியிருக்கிறார் இயக்குநர் அமுதவாணன்

கலெக்டராக வரும் வரலட்சுமி சரத்குமார் கேரக்டர் பெரியளவில் தாக்கத்தை ஏற்படுத்தவில்லை. ஆடுகளம் நரேன் தன் நடிப்பில் மிக காத்திரமான உணர்வை நமக்குள் ஏற்படுத்துகிறார். எஸ்தர் தன் நடிப்பில் இன்னும் மெருகேற வேண்டும். பாவானா இயல்பான நடிப்பால் ஈர்க்கிறார்

அலென் செபாஸ்டியன் பின்னணி இசையில் ஓரளவு தேறியிருக்கிறார். சிவபிரவின் ஒளிப்பதிவில் காட்சிகள் இயல்பை மீறாமல் பயணிக்கிறது.

நல்ல ஒன்லைனைப் பிடித்த இயக்குநர் இன்னும் சிரமப்பட்டு திரைக்கதை அமைப்பதிலும் கவனம் செலுத்தியிருக்கலாம். V3-ல் நிறைய ரீமார்க் இருந்தாலும் எடுத்துக்கொண்ட கதைக்களத்திற்காக மட்டும் பாஸ் மார்க் வாங்குகிறது
2.75/5
-மு.ஜெகன் கவிராஜ்