மொஸாட்-ஒரு புத்தகம்/ஒரு பார்வை

இஸ்ரேலிய உளவுத்துறையின் இயங்குதல்களைப் பற்றிய தரமான அறிமுகத்தைத் தருகிறது நூல்

ரஷ்யா மிக்-21 என்ற போர் விமானம் ஒன்றை கண்டுபிடிக்கிறது..
அமெரிக்காவும் ரஷ்யாவும் பனிப்போரில் ஈடுபட்டிருந்த காலம் அது. ரஷ்யா அமெரிக்காவுக்கு புடிக்காத நாடுகளுக்கு மட்டுமே அந்த விமானத்தை அனுப்புகிறது. அப்படி ஈராக்கிற்கு 10 விமானம் அனுப்பியிருக்கிறார்கள். இதை மோப்பம் பிடித்த அமெரிக்கா விமானத்தை கடத்த எவ்வளவோ முயற்சித்தும் முடியவில்லை. அமெரிக்கா டயர்ட் ஆக இஸ்ரேல் உடனடியாக ஒரு ஆபரேசனுக்கு தயாராகிறது.

இஸ்ரேலின் உளவுத்துறை பெயர் மொஸாட். அந்த அமைப்புக்கு எல்லா அதிகாரமும் உண்டு. அவர்களுக்கு மேல் அதிகாரி என்றால் அது பிரதமர் மட்டும் தான். அதனால் வானளாவிய சுதந்திரம் அவர்களுக்கு உண்டு. பிரதமர் ஒப்புதலோடு அவர்கள் ரஷ்யா ஈராக்கிற்கு விற்பனை செய்த தொழில்நுட்பம் மிகுந்த போர் விமானத்தை கடத்த திட்டமிடுகிறார்கள்..அது அவ்வளவு லேசுப்பட்ட காரியமில்லை..அந்த ரக விமானத்தை இயக்கும் பைலட்கள் எல்லோரும் அப்பழுக்கற்றவர்கள். பணத்திற்கோ பெண்களுக்கோ மயங்காதவர்கள்!? எப்படி அவர்களை வளைப்பது? மொஸாட் தீவிரமாக யோசிக்கிறது. ஈராக்கில் அந்த விமானங்களை இயக்கும் அனைவரையும் கண்காணிக்கிறது. ஒரு பைலட் மட்டும் மொஸாட் விரிக்கும் விலை(வலை)யில் சிக்குகிறார். அவர் பெயர் முனிர் ரெட்ஃபா.

முனிர் ரெட்ஃபா இஸ்ரேலிடம் வைத்த கோரிக்கை,
“நான் மாட்டிக்கொண்டால் இங்கிருக்கும் என் குடும்பத்தின் நிலைமை என்னவாகும்? அவர்களின் பாதுகாப்பை உறுதிப்படுத்துங்கள்” என்கிறார். உடனே மொஸாட், அட இவ்வளவு தானா? என்று அந்த பைலட்-ன் பேமிலி மொத்தத்தையும் இஸ்ரேலுக்கு வர வைக்கிறது. இப்போது முனிர் ரெட்ஃபா திருந்த வேண்டும் என்று நினைத்தால் கூட முடியாது. காரணம் அவர் பேமிலி இஸ்ரேல் கையில்.

யூதர்களிடம் இருக்கும் பெரும்பலமே அவர்களுக்குள் யாருக்கு ஒரு தேவை என்றாலும் எந்தத் தேசத்தில் இருந்தாலும் ஒன்றிணைவார்கள். இஸ்ரேலிய நிலமே தேசாந்திரிகளாக இருந்த இஸ்ரேலியர்களின் ஒற்றுமையால் வந்தது தானே! இப்போது புரிந்திருக்கும். அந்த பைலட் முனிர் ரெட்ஃபா ஒரு யூதர்.

இப்போது விமானத்தை கடத்தும் நாள் வந்தது. வழக்கமாக நிரப்பும் எரிபொருளை அதிகமாக நிரப்பச் சொல்கிறார் முனிர். ஏன் என்று யாரும் கேட்கவில்லை. காரணம் தலைவனின் அதிகார பெர்பாமன்ஸ் அப்படி. விமானம் டேக் ஆப் ஆகிறது. பாதை மாறி இஸ்ரேல் நோக்கி விமானம் பறக்கிறது. ரஷ்யா ஈராக்கின் மானமும் தான். இந்த வெற்றியை இஸ்ரேல் வேறலெவலில் கொண்டாடியது.

இது ஒரு சம்பவம் தான். இதுபோல நூலில் நிறைய தரமான சம்பவங்களை அடுக்கியுள்ளார் என்.சொக்கன். எளிமையான விறுவிறுப்பான அவரின் எழுத்து நடை ஒரு திரில்லர் நாவலை வாசிப்பதை போல உள்ளது

இந்த நூலில் இஸ்ரேல் உருவான வரலாறு, ஜெர்மனியில் யூதர்கள் இருந்த நிலை, ஷிண்ட்லர் போன்ற சில நாஜிக்கள் யூதர்களுக்கு உதவிய வரலாற்றுச் செய்திகளும் இடம்பெற்றுள்ளது

1972-ல் ஜெர்மனி மியூனிக் நகரில் நடைபெற்ற ஒலிம்பிக் போட்டியில் பங்கேற்க வந்த இஸ்ரேல் வீரர்களை ஒரு டீம் வந்து வளைத்து நொறுக்கிறது. அப்படி நொறுக்கும் பாலஸ்தீனிய கனவான்களை வன்மம் வைத்து தீர்த்துக்கட்டவே உருவானது இந்த மொஸாட் அமைப்பு. அந்தக் கொலையை நிகழ்த்தியவர்களை அவர்கள் பலிவாங்கும் எபிசோட்ஸ் ஒவ்வொன்றும் ஒரு வெப்சீரிஸ்க்கான Content என்பது கூடுதல் தகவல்