பெரும் வரவேற்பைப் பெற்று வரும் ஜாலியோ ஜிம்கானா ட்ரைலர்!

ட்ரான்ஸ் இண்டியா மீடியா நிறுவனம் சார்பில் M.ராஜேந்திர ராஜன் தயாரிப்பில் விரைவில் வெளியாக உள்ள படம் ஜாலியோ ஜிம்கானா. இப்படத்தை சக்தி சிதம்பரம் இயக்கியுள்ளார். இந்தப்படத்தில் பிரபுதேவா ஹீரோவாக நடித்துள்ளார். அவருக்கு ஜோடியாக மடோனோ செபாஸ்டின் நடித்துள்ளார். மேலும் படத்தில் யோகிபாபு, அபிராமி, புஜிதா பொன்னடா, கிங்ஸ்ட்லி, ஒய்.ஜி மகேந்திரன், ஜான் விஜய், ரோபோ சங்கர், தீனா, ரகுபாபு, மதுசூதன ராவ், கோதண்டம், நாஞ்சில் சம்பத், உள்ளிட்ட பெரும் நட்சத்திரப்பட்டாளமே நடித்துள்ளது. இப்படத்தை ஷக்தி சிதம்பரம் இயக்கியுள்ளார். சமீபத்தில் இப்படத்தின் ட்ரைலர் கோட் திரைப்படம் வெளியான அன்று வெளியானது. பி.வி.ஆர் திரையரங்குகளில் திரையிடப்பட்ட இப்படத்தின் ட்ரைலருக்கு ரசிகர்கள் மத்தியில் பெரும் வரவேற்பு கிடைத்து வருகிறது. முழுக்க முழுக்க நகைச்சுவை அம்சத்தோடு தயாராகியுள்ள இப்படம் நிச்சயமாக குடும்பங்கள் கொண்டாடும் படமாக இருக்கும் என உறுதியளிக்கிறது படக்குழு

காமெடிக்காக காத்திருப்போம்