பிகரை அடிப்படையாக வச்சி படம் எடுக்குறவங்களுக்கு மத்தியில் சுகரை அடிப்படையாக வைத்து படமெடுத்து இருக்கிறார் அண்ணாச்சி. சுகர் இருக்கும் அனைவரும் இந்தப்படத்தை கொண்டாடுவார்கள் என்று ஒரு பத்திரிகையாளர் சொன்னார். சோ சுகராளர்கள் கொண்டாடும் வெற்றி என்று போஸ்டர் அடித்தாலும் ஆச்சர்யப்படுவதற்கில்லை. ஏன்னா கதை அப்படியான ஒன்று. சுகர் தீர்க்கும் அருமருந்தை கண்டு புடிக்கும் மருத்துவ விஞ்ஞானியாக அண்ணாச்சி வருகிறார். அவருக்கு சமூகவிரோதிகளால் ஏற்படும் இன்னலைக் கடந்து எல்லையை எப்படி அடைந்தார் என்பது தான் கதை
இந்த உலகம் மிகவும் இயந்திரத்தனமாகிவிட்டது. மனிதர்கள் இயந்திரம் போலவே சுழல ஆரம்பித்து விட்டார்கள்..அப்படி மனிதர்களுக்குள் இருக்கும் இயந்திரத்தை முழுமையாக தன் நடிப்பு மூலமாக வெளிப்படுத்தி இருக்கிறார் அண்ணாச்சி சரவணன். 1000 ரூபாய்க்கு ட்ரஸ் எடுத்தால் எக்ஸ்ட்ரா மஞ்சைப் பை தந்து நெஞ்சை நிறைக்கும் அண்ணாச்சி 200 ரூபா டிக்கெட் கொடுத்து படம் பார்ப்பவர்களையும் ஓரளவுக்கு . நிறைத்துள்ளார்.
படத்தின் கதை, திரைக்கதை, ஒளிப்பதிவு எடிட்டிங், குறிப்பாக இசை எல்லாமே அண்ணாச்சி கடையின் விளம்பரப் படங்களையே ஞாபகப்படுத்துகின்றன. எல்லாமே பிரம்மாண்டம்
உயரமான ஹீரோயின், அகலமான பிரபு உள்பட விசாலமான நடிகர் பட்டாளம் படத்தில் உண்டு. எல்லோரும் நடித்திருக்கிறார்கள்.. என்பதை மறக்க வைக்கும் அளவிற்கு எதார்த்தமாக நடித்திருக்கிறார்கள்
மருத்துவம் எளிய மக்களுக்கும் சென்றடைய வேண்டும் என்ற கருத்தை ஆழமாகச் சொல்லியிருக்கும் தி லெஜண்ட் நிஜமாகவே லெஜண்ட் தான்
..
3/5