நானே வருவேன்- விமர்சனம்

மிடில் க்ளாஸ் மனிதர்களை பின் தொடர்ந்து அவர்களின் மென் உணர்வுகளை திரையில் காட்டி வெற்றிபெற்ற செல்வராகவன் சமீபகாலமாக பேய்பக்கம் திரும்பி இருக்கிறார். தனுஷை வைத்து அட்டகாசமான காதல் படம் கேங்க்ஸ்டர் படம் கொடுத்த செல்வராகன் நானே வருவேன் படம் மூலமாக பேய் ரூட்டுக்குள் புகுந்து திரில்லர் காட்டியுள்ளார்

இரு தனுஷ்களில் ஒருவர் குடும்பத்தஸ்தன், ஒருவர் சைக்கோ கில்லர். இருவருமே அண்ணன் தம்பி. இறுதியில் ஒருவருக்கொருவர் என்ன செய்து கொண்டார்கள் என்பதே படத்தின் கதை

தனுஷை ஏன் நாம் நடிப்பு அசுரன் எனச் சொல்கிறோம் என்பதற்கு இப்படமும் ஓர் சாட்சி. மனிதர் ஒவ்வொரு ப்ரேமிலும் மிரட்டியிருக்கிறார். அப்பாவி அப்பா, அடப்பாவி சைக்கோ என அவர் காட்டியிருக்கும் வெரைட்டி செம்ம ப்யூட்டி
இந்துஜா உள்பட படத்தில் மற்றவர்கள் ஓரளவே கவனம் ஈர்க்கிறார்கள். பிரபு யோகிபாபு இருவருக்கும் பெரிதாக வேலையில்லை

பின்னணி இசையில் யுவன் சங்கர் ராஜா தனி ஆவர்த்தனம் செய்திருக்கிறார். செல்வா படம் என்றால் யுவனின் இன்ஸ்ட்ரூமெண்ட்ஸ் எல்லாமே வேற லெவலில் வேலை செய்யும் என்பது தெரியும் தானே. படத்தின் ஒளிப்பதிவும் கன கச்சிதம். முக்கியமாக காட்டுக்காட்சிகள் எல்லாம் போட்டுத்தாக்குகிறது. சபாஷ்

பரபரவென நகரும் முன்பாதி நம்மை பின்பாதிக்காக ஏங்க வைக்கிறது. பின்பாதியில் சில டீடைலிங் மற்றும் க்ளாரிட்டி தேவைப்பட்டாலும் படத்தின் முடிவு நம்மை திருப்தி அடையச் செய்துவிடுகிறது. அதனால்
நானே வருவேனுக்கு நாம் அனைவருமே சென்று வரலாம்.

3.5 /5
-மு.ஜெகன் கவிராஜ்

#NaaneVaruvean #நானே வருவேன்