ப்ரின்ஸ்- விமர்சனம்

More advantage எடுத்து காமெடி பண்ணும் போது சில படங்கள் நம்மை கடுப்பேத்திடும். ப்ரின்ஸ் அந்த ஏரியாவிற்குள் செல்லாமல் லாவகமாக வேற டூட் பிடித்து நம்மை என்சாய் பண்ண வைத்துவிடுகிறது. எதற்கு இதை முதல்லே சொல்லிட்றோம்னா..படத்தை தாராளமாக தியேட்டருக்குச் சென்று பார்க்கலாம்

ஒருவரிக்குள்ளே சொல்லிவிடக் கூடியகதை தான். அதை 2 மணி நேரத்தில் சின்னச் சின்ன சமரசங்களோடு ஸ்கிரிப்பாகச் சொல்லியிருக்கிறார் இயக்குநர் அனுதீப்.

பள்ளி ஆசிரியரான சிவகார்த்திகேயனுக்கு பிரிட்டிஸ் டீச்சர் மேல் காதல். அக்காதலுக்கு வரும் எதிர்ப்புகளை எப்படி சமாளித்து முடிவில் சுபம் போடுகிறார் என்பதே கதை. ரொம்ப…அல்ல ரொம்பவே வழக்கமான கதை என்றாலும் பிரச்சனைகளில் புது ஐடியாக்கள் பிடித்திருக்கிறார்கள்

சிவகார்த்திகேயன் இடது கையால் கேண்டில் பண்ற கேரக்டர் என்பதால் அசால்டாக நடித்துள்ளார். பிரிட்டிஷ் அழகியாக மரியா ரசிக்க வைக்கிறார். சத்தியராஜ் பல இடங்களில் காமெடித்தாண்டவம் ஆடியிருக்கிறார். ஸ்பெசல் அப்பீரியன்ஸில் வரும் சூரி ஒரு சீன் என்றாலும் வாரி அடித்திருக்கிறார். ஆனந்தராஜும் அப்படியே

பின்னணி இசை பாடல்கள் இரண்டுமே படத்திற்கு தேவையான எனர்ஜியை கொடுத்துள்ளது. ஒளிப்பதிவாளர் படத்தில் கடும் சிக்கனத்தைக் காட்டியுள்ளார். நிறைய ப்ரேம்கள் சிங்கிள் ஷாட்லே இருக்கிறது. படத்திற்கும் அது சில இடங்களில் தேவையாக இருப்பதால் அலுக்கவில்லை

படம் துவங்கி 20 நிமிடங்கள் இக்கதைக்குள் நம்மைப் பொருத்திக்கொள்ள சிறிய சிரமம் இருந்தாலும்..சிரமம் கடந்து பொருத்திக்கொண்ட பின் படத்தோடு ஒன்றிக்கலந்து.சிரிக்க துவங்கிவிடுவோம். முழுக்க முழுக்க காமெடியை மட்டுமே நம்பி காட்சிகளை விஸ்தரித்திருப்பதால் எல்லாக் காட்சிகளும் ஓரளவு படத்தை காப்பாற்றி விடுகின்றன. குறிப்பாக க்ளைமாக்ஸ் வேறலெவல் காமெடி

நோக்கம் ஒன்லி காமெடி என்பதால் ஆக்கத்தின் மீது பெரிய கவனம் வைக்க தேவையில்லை. படம் நிச்சயமாக சிரிப்புத் தாக்கத்தை ஏற்படுத்தும். தீபாவளியை ப்ரின்ஸோடு கொண்டாடலாம்

3.25/5
-மு.ஜெகன் கவிராஜ்

#prince #ப்ரின்ஸ்