சர்தார்- விமர்சனம்

நாம் குடிக்கும் ஒவ்வொரு சொட்டுத் தண்ணீருக்குப் பின்னால் இருக்கும் பெருங்கதையை ஒரு தேசப்பற்று மிக்க உளவாளியின் கதையோடுச் சேர்த்துப் பேசியிருக்கிறது சர்தார்

பெரியளவில் விளம்பரத்தை விரும்பும் காவல் அதிகாரி கார்த்தி தன் அப்பா செய்த ஒரு தவறால் குடும்பத்தை இழந்திருப்பவர்..அந்த வலியும் வடுவும் அவரிடம் தென்படா விட்டாலும் படத்தின் பிராதனமே அதுதான். தம் அப்பா தவறிழைக்கவில்லை என்ற விசயம் கார்த்திக்கு தெரியவரும் போது..அதன் பின்னால் இருக்கும் நீர் அரசியல் வெளிச்சத்திற்கு வருகிறது..அந்த வெளிச்சத்தில் உண்மையான குற்றவாளியை எப்படி ஹீரோ கண்டடைகிறார் என்பதே சர்தாரின் கதை

கார்த்தியின் இயல்பான குணத்திற்கு ஏற்ற கேரக்டர் என்பதால் இநத் சர்தாரில் அதகளம் செய்துள்ளார் கார்த்தி. இதில் இரட்டை வேடம் ஏற்றுள்ள கார்த்தி அப்பா கேரக்டரில் பின்னியிருக்கிறார். ராஷிகண்ணா கேரக்டருக்கு இன்னும் அழுத்தம் கொடுத்திருக்கலாம் என்றாலும் கொடுத்த வரையில் குறையொன்றுமில்லை..வில்லன் டீம் எல்லோருமே மிரட்டியிருக்கிறார்கள். படத்தில் ஸ்பெசல் சர்ப்ரைஸ் லைலாவின் கேரக்டர். மிக எமோஷ்னலான கேரக்டரில் லைலா வாழ்ந்திருக்கிறார். கிடைத்த வாய்ப்பை மிகச்சரியாக பயன்படுத்தியுள்ளார். அவரது மகன் கேரக்டரில் நடித்துள்ள சிறுவனும் நல்ல நடிப்பை கொடுத்துள்ளார்

ஜிவி பிரகாஷ் கதையின் கணம் உணர்ந்து தன் பின்னணி இசையை தெறிக்க விட்டுள்ளார்.ஜார்ஜ் வில்லியம்ஸின் சினிமாட்டோகிராபி படத்தை ஹாலிவுட் தரத்திற்கு உயர்த்தியுள்ளது. படத்தில் கோடிட்டு காட்டி பாராட்ட வேண்டிய அம்சம் ஆர்ட் டிப்பார்மெண்ட் வொர்க். அசத்தியிருக்கிறார் ஆர்ட் டைரக்டர். தயாரிப்பாளரும் கதைக்கு தேவையான அத்தனை விசயங்களையும் செய்து கொடுத்துள்ளார்.

சமூக நலன் சார்ந்த படங்களை கொடுத்து வரும் மித்ரன், இந்த படத்திற்காக ரீசர்ச்க்கு மட்டும் கடும் உழைப்பை கொடுத்துள்ளார். அப்பா மகன் என இரண்டு கார்த்தியையும் மீட் பண்ண வைத்த இடம் க்ளாசிக். அப்பா மகன் செண்டிமெண்ட், தேசப்பற்று, தண்ணீருக்குப் பின்னால் இருக்கும் அதிகார வர்க்கத்தின் சூழ்ச்சி என அனைத்தையும் சரியாக கோர்த்து நல் விருந்து படைத்துள்ளார் மித்ரன்

சர்தார் மிஸ் பண்ணக்கூடாதவர்

3.5/5
-மு.ஜெகன் கவிராஜ்

#sardar #சர்தார்