வசந்த முல்லை- விமர்சனம்

உடம்பைக் கெடுத்து எதைச் சாதித்தாலும் துளியும் பிரயோசனமில்லை என்பதை டைம்லூப், திரில்லர் என கலந்துகட்டி சொல்கிறது வசந்தமுல்லை

தனியார் நிறுவனத்தில் பணிபுரியும் பாபிசிம்ஹா தன் வேலை அழுத்தத்தால் தூக்கமின்றி தவிக்கிறார். அலுவலக அறிவுறுத்தலின் படி, தன் காதலியோடு ஸ்ட்ரெஸ் குறைக்கச் சுற்றுலா செல்கிறார். அங்கு தான் அவருக்கு ஒரு ட்விஸ்ட்! அந்த ட்விஸ்ட் என்ன? அந்த ட்விஸ்ட் ஏற்படுத்தும் விளைவுகளில் இருந்து பாபி சிம்ஹா எப்படி வெளிவருகிறார் என்பதே படத்தின் கதை

சிம்ஹா தன் கேரக்டரின் வடிவத்தைப் புரிந்துகொண்டு அசத்தியுள்ளார். பல இடங்களில் தொய்வை நோக்கிச் செல்லும் படத்தை தூக்கி நிறுத்துவதே பாபி சிம்ஹா தான். நல்ல நடிப்பிற்கு தீனி போடும் கதைகள் கிடைத்தால் சிம்ஹா இன்னும் கலக்குவார். நாயகி காஷ்மீராவும் நல்ல பெர்பாமன்ஸ்!

இசையால் படத்தின் திரைக்கதைக்கு எவ்வளவு உதவ முடியுமோ அவ்வளவு உதவியிருக்கிறார் இசை அமைப்பாளர். ஒளிப்பதிவிலும் சிறந்த நேர்த்தி இருந்தது. டெக்னிக்கல் ஏரியாவில் சறுக்காமல் பயணித்ததில் வசந்த முல்லையில் குறையில்லை

சீரான திரைக்கதையும், அதற்கான அட்டகாசமான சீன்களும் அமைந்திருந்தால் வசந்த முல்லை நம்மை இன்னும் ஈர்த்திருக்கும். இப்பவும் one time watchable movie தான் நம் வசந்தமுல்லை

-மு.ஜெகன் கவிராஜ்

3.75/5