ஷுட் தி குருவி- விமர்சனம்

ஒரு தாதா வெறும் சாதாவாக முடியும் கதை ஷுட் தி குருவி

கையடக்கத்தில் சினிமா வந்துவிட்டதால் படைப்பாளிகள் நல்ல கன்டென்ட்டுக்காக, கடலளவு உழைக்க வேண்டியதுள்ளது. எதிலும் புதுமை வேண்டும் என்கிறான் ஓடிடி ரசிகன். அதனால் இணையத்தில் வெளியாகும் படங்கள் இதயத்தைத் தொட்டால் தான் படத்தில் பங்களித்தவர்கள் அடுத்த கட்டத்திற்குச் செல்ல முடியும். அதை நன்றாக உணர்ந்து கூடுமானவரை நல்ல படத்தை கொடுக்க முயற்சித்துள்ளது ஷுட் தி குருவி டீம்

அரசியல்வாதிகளை கைக்குள் போட்டுக்கொள்ளும் பெரும் தாதா ஒருவன். அவனுக்கு நேர் எதிரான 5 லட்சம் இருந்தால் தான் ஆபரேசன் செய்து தன்னால் உயிர் பிழைக்க முடியும் என்ற நிலையில் உள்ள சாதா ஒருவன். இந்த இருவரும் ஒரு புள்ளியில் இணைவதும், அதன் பிறகு நடக்கும் சம்பவங்களும் தான் படத்தின் கதை

இந்தச் சிறுபடத்தின் பெரும் பலத்தில் ஒன்று நடிகர்களின் நடிப்பு. குருவிராஜனாக நடித்துள்ள அர்ஜை கன கச்சிதமாக அக்கேரக்டருக்குப் பொருந்தியுள்ளார். சிவ ஷா ரா, ஆஷிக் ஹுசைன் உள்பட படத்தில் கொஞ்சமாக உள்ள அனைவருமே நல்ல நடிப்பை வழங்கியுள்ளார்கள்

இருப்பது சிறிய களம். பெரியளவில் நிரூபிக்க வேண்டுமானால் துல்லியமான உழைப்பைக் கொடுக்க வேண்டும். அதை உணர்ந்து தன் பின்னணி இசையை அமைத்துள்ளார் இசை அமைப்பாளர் மூன்ராக்ஸ். பிரண்டன் சுஷாந்த் தனது கேமராவை பட்ஜெட் உணர்ந்து யூஸ் பண்ணியிருக்கிறார். க்ரவ்டு தேவைப்படும் காட்சிகளை கூட தனது டிபரண்ட் கேமரா கோணங்களால் தேவையை மறக்கடிக்கிறார். எடிட்டிங், எபெக்ட் என டெக்னிக்கல் டீம் அனைவருமே நல்ல எபெக்ட் போட்டிருக்கிறார்கள்

Short flix-ல் வெளியாகியுள்ள இந்தப்படம் மதிவாணனின் இயக்கத்திற்கு நல்ல துவக்கம் எனலாம். மொத்தம் ஒரு மணி நேரமும் 5 நிமிடங்களே ஆன இப்படத்தில் காமெடி, எமோஷ்னல், ஸ்மால் திரில்லர் என சகலத்தையும் கலந்து கட்டியிருக்கிறார் இயக்குநர். பட்ஜெட் குறைபாடுகள், வறட்சி தெரியும்படியான சில ஐடியாக்கள் ஆகியவற்றைத் தவிர்த்துப்பார்த்தால் ஷுட் தி குருவி சிறந்த முயற்சி எனலாம்
தயாரிப்பாளர்கள், K.J.ரமேஷ், சஞ்சீவி குமார் உள்ளிட்ட படக்குழுவினருக்கு நல் வாழ்த்துகள்
3/5
-மு.ஜெகன் கவிராஜ்