லக்கிமேன்- விமர்சனம்

அதிர்ஷ்டம் என்பது எட்டாக்கனியாக இருக்கும் ஒரு சாதா’மென்’ எப்படி லக்கிமேன் ஆகிறார் என்பதே லக்கிமேன் கதை

சிறு வயதில் இருந்தே அதிர்ஷ்டம் இல்லாதவர் என தன்னையே நொந்து வாழ்பவர் யோகிபாபு. திருமணம் குழந்தை என்றான பின்பும் அவர் வாழ்வில் அதிர்ஷ்டம் தலை காட்டவில்லை. ஒரு கட்டத்தில் விரக்தியாகும் யோகிபாபுவிற்கு திடீரென தான் சேர்த்து வைத்த குலுக்கல் சீட்டு மூலமாக ஒரு கார் பரிசு விழுகிறது. அந்தக் கார் வந்தபின் அவருக்கு அதிர்ஷ்டம் வரிசை கட்டி வருகின்றன. இந்நிலையில் அவருக்கும் ஒரு போலீஸ் ஏசிக்கும் முட்டல் வருகிறது. அந்த முட்டல் முற்றும் நேரத்தில் யோகிபாபு கார் காணாமல் போகிறது. அந்தக் காணாமல் போன லக்கி கார் யோகிபாபு வாழ்வில் என்னவெல்லாம் செய்தது? என்பதே படத்தின் மீதிக்கதை

கதையின் நாயகனாக யோகிபாபு மீண்டும் தானொரு சிறந்த நடிகன் என்பதை நிரூபித்துள்ளார். வெத்து மேன் ஆகவும் லக்கி மேன் ஆகவும் அவர் காட்டியிருக்கும் வெரைட்டி பெர்பாமன்ஸ் ரசிக்க வைக்கிறது. காவல் அதிகாரியாக வரும் வீரா மிகச்சிறந்த நடிப்பைக் கொடுத்துள்ளார். ரேச்சல் ரேபாக்கா யோகிபாபுவின் மனைவி கேரக்டரில் அருமையாக நடித்துள்ளார். ஏனைய கேரக்டர்கள் அனைவருமே படத்தில் சிறந்த பங்களிப்பை வழங்கியுள்ளனர்

பின்னணி இசை படத்திற்கு பெரும்பலமாக அமைந்துள்ளது. ஒளிப்பதிவு படத்தின் தரத்தை உயர்த்த உதவியுள்ளது

யோகிபாபு கிடைத்துவிட்டார் அதனால் நாலு காமெடி டயலாக்கை வைத்து படத்தைத் தேற்றிவிடலாம் என நினைக்காமல் திரைக்கதையில் நல்ல சிரத்தை எடுத்துள்ளார் இயக்குநர் பாலாஜி வேணுகோபால். சின்னச் சின்ன கேரக்டர்களையும் நெஞ்சில் பதியும் படி எழுதியிருப்பது ஆகச்சிறப்பு. இத்தனை ப்ளஸ்கள் இருந்தும் சின்னச் சின்ன குறைகள் படத்தின் லக்-ஐ குறைக்கிறது. அந்தச் சின்னச் சின்னக் குறைகள் பெரிய பெரிய நிறைகள் முன்னால் காணாமல் போவது படத்தின் பெரிய ப்ளஸ்
3/5
-மு.ஜெகன் கவிராஜ்