லேபில்- 3-EP விமர்சனம்

ஒரு குறிப்பிட்ட நிலப்பரப்பின் நெகட்டிவ் அடையாளத்தை மாற்றத்துடிக்கும் நாயகன். மாற்றவிடாமல் பார்த்துக்கொள்ளும் அரசியல். இந்த இரண்டுக்குமான முரணை கமர்சியலாக பேசுகிறது லேபில் எனும் வெப்தொடர்.

அருண்ராஜா காமராஜ் நெஞ்சுக்கு நீதி என்ற சமூகநீதி படத்தை இயக்கியபின் இந்த வெப்தொடரை இயக்கியுள்ளார். முதல் நான்கு எபிசோட்களுக்கான விமர்சனம் இது

“வடசென்னைன்னா ரவுடிசம்” என்ற அடையாளம் வரலாற்றுப்பிழையுள்ளது என்ற தொனியில் ஜெய் கூறும் காட்சிகள் தரமாக அமைந்துள்ளது. மேலும் ஒருவன் மீது பூசப்படும் சமூக அவமதிப்பீடு அவன் வாழ்வை எப்படியெல்லாம் திசை மாற்றும் என்பதையும், சமூக விதிக்கும் அவமதிப்பீடு ஒருவனை உளவியல் ரீதியாக எப்படியெல்லாம் துன்புறுத்தும் என்பதையும் இந்த வெப்தொடர் மூன்று எபிசோட்களில் பேசியுள்ளது.

ஜெய் பொறுப்புணர்ந்து நடித்துள்ளார். நாயகி கேரக்டரும் பலமாக எழுதப்பட்டுள்ளது. வடசென்னையின் பாசிட்டிவ் பக்கங்களை காட்டும் காட்சிகளும் பிரமாதம். ஆனால் வெப் தொடருக்கான மெனக்கெடல்களை விட ஒரு சினிமாவிக்குள்ள உத்திகளே இதில் அதிகம் தென்படுகிறது. அதனால் இதை வெப்சீரிஸ் என உள்வாங்க நமக்கு சிரமமாக இருக்கிறது. ‘கூறியது கூறல்’ என்ற பிழையும் தொடரில் உள்ளது. சொன்னதையே திருப்பித் திருப்பிச் சொல்லியிருப்பதால் நம் பொறுமை சோதிக்கப்படுகிறது. மேக்கிங், ஆக்டிங்,ரைட்டிங் எல்லாம் Ok. மேற் சுட்டிக்காட்டிய சிலகுறைகளைத் தவிர்த்தால் தொடர் இன்னும் தீப்பிடிக்கும். அடுத்தடுத்த எபிசோட்கள் அவற்றை சரி செய்யும் என நம்பிப் பார்ப்போமாக..

-மு.ஜெகன் கவிராஜ்