ஆளவந்தான்- ரீ ரிலீஸ் விமர்சனம்

சித்தியின் கொடுமையால் மன அதிர்வுக்குள்ளானவன் ஏனைய பெண்களையும் கொல்ல நினைக்கும் கதை. அதில் தன் சகோதரன் மனைவியையும் அவன் கொல்ல நினைப்பதால் ஏற்படும் மோதல்களும் உளவியல் அம்சங்களுமே படமாக விரியும்

கமல் தன் உழைப்பில் உச்சம் காட்டிய படங்கள் நிறைய என்றாலும் ஆளவந்தான் அதற்கும் மேல். நெகட்டிவ் கேரக்டருக்காக உடலை விசாலப்படுத்தி அந்த உடலைக்கொண்டு ஒரு ஷுட்டிங்..அடுத்து உடலைக் குறைத்துக் கொண்டு இன்னொரு கேரக்டருக்கு ஒரு ஷுட்டிங். இரண்டையும் ஒன்றாக இணைத்து அசத்திய தொழில்நுட்பம் என உடல் அளவிலும் டெக்லாலஜி அவளவிலும் கமலின் அதீத உழைப்பைக் கோரிய படம் இது. கமலும் அசரவே இல்லை. சின்னச் சின்ன காம்ப்ரமைஸ் கூட இல்லாமல் கலைப்புலி தாணு பணத்தை வாரியிறைத்தார். அந்தக் காலகட்டத்தில் இப்படம் மிகப்பெரிய பட்ஜெட். வியாபார நம்பர்களை மனதில் வைக்காமல் கலையை மட்டுமே ஏந்திய கலைஞனால் தான் இப்படியொரு ரிஸ்க் எடுக்க முடியும். அப்போது தாணு எடுத்தார். இசையும் ஒளிப்பதிவும் இன்று வெளியாகவும் படங்களுக்கு கூட டப் கொடுக்கிறது. இசைக்கோர்வையும் பாடல்களும் மிகச்சரியாகவும் சிறப்பாகவும் அமைந்தது ஆளவந்தானில்.

கமலின் திரைக்கதை முன்னோக்கிய பார்வை கொண்டது என்பதற்கு இந்தப்படமும் பெரும் உதாரணம். மன நோயை கமர்சியலுக்காக எமோஷ்னல் ரீதியாக அணுகும் சினிமாக்களுக்கு மத்தியில் கமர்சியலிலும் அறிவியலைப் புகுத்தி ஆச்சர்யப்படுத்தினார் கமல். அன்று படம் நம் பொறுமையை சோதித்தது என்பது ஓரளவு நிஜமாக இருந்தாலும், இன்று அந்தக் குறை தெரியவில்லை

3 மணிநேர படத்தை இரண்டு மணி நேரமாக குறைத்து 2K கிட்ஸுக்கு ஸ்பெசல் விருந்து அளித்துள்ளார் தயாரிப்பாளர் தாணு. 4K out தரமாக உள்ளது. நல்ல தியேட்டரில் மிஸ் செய்யாமல் பாருங்கள்
-மு.ஜெகன் கவிராஜ்