வித்தைக்காரன்- விமர்சனம்

லாஜிக் இல்லாத மேஜிக் காட்டும் சினிமாவில் மேஜிக்-ஐ வைத்து ஒரு சினிமா

சின்ன வயதில் தன் அப்பாவின் மேஜிக்-ஐ வைத்து அதில் ஒரு திருட்டு லாஜிக்கைக் கண்டுபிடிக்கிறார் ஹீரோ சதிஷ். அந்த லாஜிக்கை வைத்தும், மேஜிக்கை வைத்தும் அவர் சிலபல திருட்டுக்களைச் செய்கிறார். மேலும் மூன்று தாதாக்களை ஒரு திருட்டுக்காக ஒன்றிணைக்கவும் செய்கிறார். அதற்கான காரணம் கதையில் இருக்கிறது

சதிஷ் சூப்பராக நடிக்காவிட்டாலும் இந்தப் படத்தில் சுமாருக்கும் மேலாக நடித்து கவனம் ஈர்க்கிறார். சிம்ரன் குப்தா சும்மா அவ்வப்போது வந்து போகிறார். சுப்பிரமணிய ஷிவா கவனிக்க வைக்கிறார். ஆனந்த் ராஜ் வழக்கம் போல கலகலப்பூட்டுகிறார். சாம்ஸ் அடிக்கும் சில பன்ச்கள் தியேட்டரில் வொர்க்கவுட் ஆகிறது. மதுசூதனராவ் ஓகே ரகம்

VBR தன் இசையில் படத்தை அடுத்த லெவலுக்கு எடுத்துச்செல்ல முயற்சித்துள்ளார். முயற்சி பெரிதாக வொர்க் ஆகவில்லை. யுவா கார்த்திக் ஒளிப்பதிவில் சிரத்தை எடுத்துள்ளார். ஏர்போர்ட் காட்சிகளில் விஷுவல் சிறப்பாக அமைந்துள்ளது. படத்திற்கு தேவையான செலவை செய்துள்ளார் தயாரிப்பாளர் K.விஜய் பாண்டி.

திரைக்கதையில் நிறைய ஐடியாக்களைப் புகுத்தி அசத்த முயற்சித்துள்ளார் இயக்குநர் வெங்கி. எழுத்தில் சாத்தியப்பட்ட ஐடியாக்கள் விஷுவலில் பெரிதாக ஈர்க்கவில்லை. குறிப்பாக எல்லாத் தரப்பு ரசிகர்களுக்கும் புரியும்படியான திரைக்கதை இல்லை. அதனாலே இந்த வித்தைக்காரனை முழுமையாக கொண்டாட முடியவில்லை
-2.75/5
-மு.ஜெகன் கவிராஜ்