அதோமுகம்- விமர்சனம்

மேட்டர் பழசு..பட் மீட்டர் புதுசு

S.P, சித்தார்த் & சைதன்யா ப்ரதாப் ஒரு இளம் ஜோடி. கொடைக்கானல் மலைப்பகுதியில் வாழும் இவர்களுக்குள் அன்பும் அந்நியோன்யமும் நிரம்பித் ததும்புகிறது..மனைவிக்கு இன்ப அதிர்ச்சி கொடுக்க வேண்டும் என்பதற்காக கணவனான ஹீரோ மனைவி தனிமையில் இருக்கும் நிகழ்வுகளை க்யூட் வீடியோக்களாக பதிவு செய்ய நினைக்கிறார்..அதற்காக மனைவியின் மொபைலில் ஹிடன் பேஸ் என்ற ஆப்-ஐ டவுன்லோட் செய்துவைத்து, மனைவிக்குத் தெரியாமலே அவரது போன் கேமராவை ஆன் செய்து அவரது அன்றாட செய்கைகளை கவனிக்கிறார். அப்படி கவனிக்கும் போது வீட்டுக்கு வேறோர் ஆண் வருவது அவருக்குத் தெரியவர ஷாக் ஆகிறார். அடுத்தடுத்து அவர் என்னென்ன ஷாக்குகளைச் சந்திக்கிறார் என்பதாக படத்தின் திரைக்கதை விரிகிறது.

சின்ன கிரவுண்ட் ஆனால் பெரிதாக ஆடவேண்டும் என்ற கேரக்டர் ஹீரோவுக்கு. ஓரளவு சமாளித்துள்ளார். ஹீரோயின் நறுக்கென நடித்துள்ளார். குறிப்பாக க்ளைமாக்ஸில் நல்ல ஸ்கோரிங் அவர். சின்னச் சின்ன கேரக்டர்களும், வில்லன் கேரக்டர்களும் நாட்பேட். அருண்பாண்டியன் வரவு ஸ்வீட் சர்ப்ரைஸ்

சின்ன படம் என்ற தோற்றத்தை ஏற்படுத்துகிறது கேமராமேனின் உழைப்பு. கிடைத்த அற்புதமான லொக்கேசனுக்கு இன்னும் அசத்தியிருக்கலாம். இசை அமைப்பாளர் தன்னால் முடிந்த பெஸ்டை கொடுத்துள்ளார்

இதுதான் கதை என நம்மை மைண்ட் செட் செய்துவிட்டு டக் என யூ-டர்ன் போட்டு ட்விஸ்ட் வைத்துள்ளார் இயக்குநர். அந்த ட்விஸ்ட் இரண்டாம் பாதியில் பக்காவாக வொர்க்கவுட் ஆகியுள்ளது. மின்னல் வேக திரைக்கதையில் ஜன்னல் ஓர இருக்கை போல இன்னும் சில அழகியல்களைச் சேர்த்திருந்தால் இந்த அதோமுகம் மறக்க முடியாத முகமாக மாறியிருக்கும். இருப்பினும் ஒருமுறை ட்ரை பண்ணலாம்
2.75/5
-மு.ஜெகன் கவிராஜ்