சிங்கப்பெண்ணே- விமர்சனம்

நீளும் தடைகளைத் தாண்டி நீச்சலில் சாதிக்கும் பெண்ணின் கதை

ஒரு கிராமத்தில் வசிக்கும் ஆர்த்தி என்ற பெண் வயசுக்கு வந்தபோதே திருமணத்திற்கு கட்டாயப்படுத்தப் படுகிறாள். அவளுக்குள் பெரும் நீச்சல் திறமை இருப்பதை அறிந்து அவளை ஊக்குவித்து முன்னேற்ற துடிக்கிறார் ஷில்பா மஞ்சுநாத். சின்னப்பெண் எப்படி சிங்கப்பெண் ஆகிறாள் என்பதை பக்கா மோட்டிவேட்-ஆகச் சொல்கிறது படம்

நிஜமான நீச்சல் வீராங்கனையான ஆர்த்தியை நாயகியாக தேர்ந்தெடுத்தது சிறப்பு. அவரும் தன் கேரக்டரின் கனம் உணர்ந்து நன்றாக நடித்துள்ளார். அவரை சாதிக்க வைக்கும் கோச் ஆக வரும் ஷில்பா மஞ்சுநாத் நம் மனதிற்குள் ஸ்ட்ராங்காக ரீச் ஆகிறார். ஏனைய கேரக்டர்கள் யாரும் பெரிதாய் குறை வைக்கவில்லை

ஒரு பாசிட்டிவ் வைப் கொண்ட படம் இது. அதை மனதில் வாங்கி உழைத்துள்ளார் இசையமைப்பாளர். நல்ல இசை. மேலும் கதையின் திசை அறிந்து தன் கேமராவை சுழல விட்டுள்ளார் ஒளிப்பதிவாளர்

நல்ல கதைக்குள் செறிவான திரைக்கதை புகுத்தினால் அழகான படம் ரெடியாகிவிடும். அதை உணர்ந்து உழைத்துள்ளார் இயக்குநர். இடையிடையே சின்னச் சின்ன தடுமாற்றங்கள் இருந்தாலும் சிங்கப்பெண்ணே மகளிர் தின ட்ரீட் என்பது கன்பார்ம்
-மு.ஜெகன் கவிராஜ்
3/5