காமி – விமர்சனம்

டெக்னிகல்லில் மிரட்டிய படம் Content- ஆக ஈர்த்ததா?

36 வருடங்களுக்கு ஒருமுறை உருவாகும் ஒரு தாவரத்தால் மட்டுமே குணப்படுத்த முடியும் என்ற நோய்கொண்ட ஹீரோ, தேவதாசி வாழ்க்கை முறையில் இருந்து மீண்டு வரத்துடிக்கும் ஹீரோயின், இவர்கள் கதை இல்லாமல் மூன்றாவதாக ஒருகதை. இம்மூன்று கதைகளும் எப்படி லிங் ஆகி நமக்குள் சிங் ஆகிறது என்பதே படத்தின் மீதிக்கதை

விஸ்வக் சென், சாந்தனி சவுத்ரி, அபிநயா துர்கா, ஹரிகா பெட்டா உமா உள்பட அனைவரின் நடிப்பும் அட்டகாசம். உடல் அளவிலும் மன அளவிலும் இந்தக் கதைக்காக தங்களைத் தயார்படுத்தி சிறப்பாக நடித்துள்ளனர். குறிப்பாக நாயகன் விஸ்வக் சென் செம்மயாக ஸ்கோர் செய்துள்ளார்

ஷாட் கம்போசிஷன் முதற்கொண்டு அனைத்து கேமரா கோணங்களும் அற்புதம்..இசைக் கோர்வையும் சவுண்ட் எபெக்டும் ஷார்ப்பாக அமைந்துள்ளது. பின்னணி இசை படத்தை என்கேஜிங்காக வைத்துள்ளது. வரைகலை வேலைப்பாடுகளும் படத்தில் நன்றாக வெளிப்பட்டுள்ளது

ஹீரோவிற்கு இருக்கும் பிரச்சனையை ஆடியன்ஸ் தன் பிரச்சனையாக எண்ணும் போது தான் படம் ஆடியன்ஸுக்குள் கனெக்ட் ஆகும். இந்தப் படத்தின் தலையாய சிக்கல் ஆடியன்ஸ் கனெக்ட்டிவிட்டியை மிஸ் செய்தது தான். அதை மட்டும் துல்லியமாகச் செய்திருந்தால் படம் இன்னும் அடுத்த கட்டத்திற்குச் சென்றிருக்கும். தியேட்டர் எக்ஸ்பீரியன்ஸ் பண்ணுவதற்கு எல்லா குவாலிட்டியும் உள்ள படமென்பதால் குறைகள் மறந்து ரசிக்கலாம்
3/5
-மு.ஜெகன் கவிராஜ்