கங்குவா- விமர்சனம்

1000 ஆண்டுகளுக்கு முந்தைய காலத்தில் நடந்த ஒரு சம்பவத்தை, 2024-ல் கனெக்ட் செய்துள்ள இந்த கங்குவா ரசிகனோடு ஏன் கனெக்ட் ஆகவில்லை?

அவதார் படமாக இருந்தாலும், அட்டக்கத்தி படமாக இருந்தாலும், படத்தின் மெயின் கேரக்டரோடு நாம் கனெக்ட் ஆகவேண்டும். கங்குவாவின் முதல் பிழை எமோஷ்னல் கனெக்டிங்ல் நிகழ்ந்துவிட்டது. டெக்னிக்கலாக படம் ஆகத்தரமாக அமைந்தும், ரசிகனோடு படம் ஒன்றாமல் போனது திரைக்கதை ஆக்கம் தான். ஒரு தேர்ந்த திரைக்கதை, ரசிகனை கைப்பிடித்து படத்திற்குள் அழைத்துச் செல்லும். அழ வைத்தோ, சிரிக்க வைத்தோ, பயப்பட வைத்தோ எப்படி திரைக்கதை அழைத்தாலும் ரசிகன் வருவதற்கு தயாராகவே இருக்கிறான். திரைக்குள்ளிருப்பவர்களை, வெளியில் இருக்கும் ரசிகன் அவர்கள் நாம் தான் என உணரச்செய்ய வேண்டும். கங்குவாவில் அந்த மேஜிக் நடக்கவில்லை

ஒரு நடிகன் எப்படியெல்லாம் ஒரு கேரக்டருக்குத் தயாராக வேண்டும் எனும் பாடத்தை சினிமா உலகம் சூர்யாவிடம் கற்றுக்கொள்ளலாம். அவரின் அர்ப்பணிப்பு மிகுந்த உழைப்பும், நடிப்பும் பிரமாதம். ஏனைய கேரக்டர்கள் யாரும் ஜொலிக்கவில்லை

பின்னணி இசை படத்தில் நடந்த மற்றொரு பிழை. கதையில் ஆழம் சேர்த்து, திரைக்கதைக்கு வலு சேர்த்திருந்தால் நிச்சயமாக இந்த கங்குவா காட்டிய பிரம்மாண்ட விஷுவலுக்கு ரசிகன் வாய் பிளந்து என்ன..மனம் பிளந்தே பாராட்டியிருப்பான்
-வெண்பா தமிழ்