அடியே- விமர்சனம்

காதலியைக் கை பிடித்து தன் காதலை நிரூபிக்க ஆல்ட்ரனெட் உலகத்துக்கு பயணிக்கும் ஒரு காதலனின் கதை தான் அடியே

அதென்ன ஆல்ட்ரெனெட் உலகம்? இப்ப வாழ்ந்திட்டுருக்க உலகம் ரியாலிட்டி. இதேபோல இதுக்கு ஆல்ட்ரனெட்டிவா இன்னொரு உலகம் இயங்குனா அது எப்படி இருக்கும்? உதாரணத்திற்கு இன்னைக்கு நாம சினிமாவுக்குப் போயிருப்போம்னு வைங்க.. சரி சினிமாவுக்கு போகலன்னா இந்த நாள் எப்படி இருக்கும்? இந்த ரியாலிட்டி உலகத்தில இசை அமைப்பாளரா இருக்குற ஏ.ஆர் ரகுமான் ஆல்ட்ரனெட் உலகத்தில் டான்ஸ் மாஸ்டரா இருக்கலாம். So ஜீவி பிரகாஷ் ரியாலிட்டி உலகில் மிஸ் பண்ண காதலியை ஆல்ட்ரனெட் உலகத்தில் மீட் பண்றார். அந்த மீட்டிங்க்ல ஒரு செம்ம ட்விஸ்ட் இருக்க, அடுத்தடுத்து என்ன என்பதே அடியேவின் பக்கா ஸ்கிரீன்ப்ளே!

துறுதுறு குருகுறுன்னு சும்மா ஜீவி பிரகாஷ் திரையில சடுகுடு ஆடியிருக்கிறார். இயலாமை, விரக்தி, காதல், ஏமாற்றம், அழுகை என எல்லா உணர்வையும் திரையில் கொண்டு வந்து அசத்துறார். குறிப்பாக காதலியின் ஐஸ் வைத்த இதழில் அவர் செய்யும் சாகசங்கள் எல்லாம் 2k கிட்ஸின் சேட்டை நிறைந்த ஏரியா! செந்தாழினியா வர்ற நம்ம 96 படத்தின் குட்டி திரிஷா சின்னச் சின்ன கேப்களிலும் அட்டகாசமா ஸ்கோர் பண்றார். ஆங்காங்கே நச் நச்னு பன்ச் அடித்து தியேட்டரை குலுங்க வைக்கிறார் ஆர்.ஜே விஜய். மேலும் எல்லா நடிகர்களும் கொடுத்த வேலையைச் சிறப்பா செய்திருக்கிறார்கள். இவர்களுடன் வரும் வெங்கட்பிரபு கெளதம் மேனனா வந்து அசத்துற காட்சிகள் எல்லாம் காமெடிப்பட்டாசு

கோகுல் பினாய் சினிமாட்டோகிராபி இரு உலகயையும் வெவ்வேறு கோணங்களில் காட்டியிருப்பது ஆகத்தரம். ஜஸ்டின் பிரபாகரனின் பின்னணி இசையும் பாடல்களும் 2K கிட்ஸை குறி வச்சு தாக்கியிருக்கு. அந்த ரிசல்ட் தியேட்டர்ல தெரியுது; தெறிக்குது

தெளிவான கதைய ஈசியா குழப்பிட முடியும். குழப்பமான கதையை தெளிவாச் சொல்லணும்னா…அதுவும் சினிமாவில் காட்சிமொழியா சொல்லணும்னா ரொம்பவே கஷ்டம். அதை மிகவும் சிரத்தை எடுத்து அழகாகச் சொல்லியிருக்கிறார் விக்னேஷ் கார்த்திக். ரசிகர்களோட பணத்தையும் நேரத்தையும் ரெஸ்பெக்ட் பண்ணி எடுக்கப்பட்டிருக்க படமா வந்திருக்கு அடியே. குறைகளும் இருக்கு..அது குறைவா தான் இருக்கு. செகண்ட் ஆப்ல பெரிய கிரிப் இல்ல. லாஜிக் கேள்விகள் எல்லாம் கிலோ கணக்கில் இருக்கு. ஆனால் படம் அதையெல்லாம் தாண்டி நமக்குள் முழு நிறைவைத் தந்திடுவதால் இந்த அடியேவை நோக்கி நாம் அடியெடுத்து வைக்கலாம்
3.75/5

-மு.ஜெகன் கவிராஜ்