அந்தகன்- விமர்சனம்

ஒரு பார்வையில்லாதவரின் இசைப்பயணத்தில் நடைபெறும் திடுக் அனுபங்களே அந்தகன்

பிரசாந்த் ஒரு சிறந்த பாடகர். உலகின் பார்வைக்கு அவர் பார்வைத் திறனற்றவர். ஆனால் அவருக்கு பார்வை உண்டு. ஏன் அவர் அப்படி நடிக்கிறார் என்பதற்கு ஒரு காரணம் இருக்கிறது. பிரசாந்தின் திறமையைக் கண்டு மெச்சும் நடிகர் கார்த்திக் தனது மனைவிக்கு திருமணநாள் கிப்ட் ஆக பிரசாந்தை பாட தன் வீட்டிற்கு அழைக்கிறார். அங்கு செல்லும் பிரசாந்திற்கு பெரும் அதிர்ச்சி காத்திருக்கிறது..அது என்ன? என்பதும், இடையில் பூக்கும் பிரியா ஆனந்தின் காதல் என்னவானது? என்பதுமாக படத்தின் திரைக்கதை விரிகிறது

டாப் ஸ்டார் பிரசாந்திற்கு நிச்சயமாக இப்படம் டாப் கியர் தான். பார்வை இல்லாதவராக நடிக்கும் போதும், நிஜமாகவே பார்வையை இழந்து நடிக்கும் போதும் அசத்தியுள்ளார். சிம்ரன் படத்தின் ரன்னிங்-ஐ தன் நடிப்பால் இன்னும் வேகமாக ஓட வைக்கிறார். கார்த்திக் நடிகர் கார்த்திக்காகவே படத்தில் வருவது ஸ்வீட் சர்ப்ரைஸ். சமுத்திரக்கனி டெம்ப்ளேட் வில்லன் என்றாலும் கவர்கிறார். யோகிபாபு ஊர்வசி இருவரும் சரியாகப் பயன் படுத்தப்பட்டுள்ளனர். கே.எஸ்.ரவிக்குமார் தன் கேரக்டர் உணர்ந்து சரியாக நடித்துள்ளார். வனிதா விஜயகுமார் அவருக்கே உள்ள ஸ்டைலில் பேசி சில இடங்களில் சிரிப்பு வரவைக்கிறார். பிரியா ஆனந்த் க்ளாமருக்கு கியராண்டி தருகிறார்

சந்தோஷ் நாராயணனின் பின்னணி இசை படத்திற்கு பெரும்பலம் சேர்த்துள்ளது. பாடல்களும் பரவாயில்லை ரகம். ஒளிப்பதிவாளர் படத்தின் மூட்-ஐ அறிந்து ப்ரேமிங் வைத்துள்ளார். சில இடங்களில் படத்தின் நகர்வை அது அழகாக்குகிறது

ஒரு கதையில் பங்கேற்கும் அனைவருமே நெகட்டிவ் சேட் உள்ளவர்கள் என்பதால் கதையில் நாம் யாரை பின் தொடர்வது என்ற குழப்பம் எழுகிறது. ஒரு கட்டத்தில் ஓகே படத்தின் ப்ளோ ஸ்டைல் இரண்டுமே இப்படித்தான் என்ற முடிவுக்கு வர வைத்துவிடுகிறது படத்தின் திரைக்கதை. படம் எந்த இடத்திலும் தொய்வடையவில்லை என்பது பேராறுதல். அந்தாதுன் என்ற ஒரிஜினலை பார்க்காதவர்களுக்கு இந்த அந்தகன் ஏமாற்றம் அளிக்காமல் இருப்பார்
3/5
மு.ஜெகன் கவிராஜ்