ப்ளடி பெக்கர்- விமர்சனம்

ப்ளடி பெக்கர் மூலம் தயாரிப்பாளர் நெல்சன் பணத்தை ஈட்டுவாரா?

முன்னணி இயக்குநர் நெல்சன் தயாரிப்பில், கவின் நடிக்கும் படம் என்பதால், ப்ளடி பெக்கர் படம் மீது எதிர்பார்ப்பு ஏற்பட்டது. அதை ஓரளவு பூர்த்தி செய்யும் விதமாக, பர்ஸ்ட் லுக் ட்ரைலர்லாம் வந்தது. ஆனால் படம்?

பிச்சைக்கார வேசம் போட்டு சுற்றும் கவின், ஒரு ஆடம்பரமான பங்களாவிற்குள் திருட்டுத்தனமாகச் சென்று தங்குகிறார். அந்த பங்களா வாசிகள் எல்லாரும் சொத்திற்காக அடித்துக்கொள்ளும் கூட்டம். அக்கூட்டத்தின் மூலம் கவின் பெறும் அனுபவமே நாம் பார்க்கும் படமாக விரிகிறது

நடிப்பதில் தானொரு கில்லி என்பதை நிரூபிக்கும் பொருட்டு அசத்தி வருகிறார் கவின். காமெடி, எமோஷ்னல் என எல்லா ஏரியாவிலும் ஸ்கோர் செய்கிறார். அவருக்கு அடுத்ததாக படத்தில் தோன்றும்,
மாருதி பிரகாஷ்ராஜ், சுனில் சுகதா, டி.எம்.கார்த்திக், பதம் வேணுகுமார், அர்ஷத், மிஸ் சலீமா, பிரியதர்ஷினி ராஜ்குமார், அக்ஷயா ஹரிஹரன், அனார்கலி நசர், திவ்யா விக்ரம், தனுஜா மதுரபாந்துலா, ரோஹித் டெனிஸ், வித்யுத் ரவி, முகமது பிலால், யு.ஸ்ரீ சரவணன் என நீளும் இவர்கள் அத்தனை பேர்களும் பாஸ்மார்க் வாங்குகின்றனர்

பின்னணி இசையும், பாடல்களும் படத்திற்கு பாசிட்டிவ் வைப் கொடுத்துள்ளது. பங்களாவிற்குள்ளே கதை நடந்தாலும், விஷுவல்லி அதைச் சிறப்பாக கையாண்டுள்ளார் கேமராமேன். ஆர்ட் டிப்பார்ட்மெண்ட் உள்ளிட்ட டெக்னிக்கல் டீம் யாரும் குறை வைக்கவில்லை

ஜாலியாக துவங்கும் படம், ஒரு கட்டத்தில் திரில்லர் மோட்-க்குச் சென்று நம்மை என்கேஜிங் செய்கிறது தான். சில இடங்களில் அது அதீத சுவையாகி விடுவது சோகம்..ப்ளாக் ஹுயூமர் பல இடங்களில் எடுபடவில்லை. திரைக்கதையில் ஓரளவு சுவாரஸ்யம் இருந்தாலும் ப்ளடி பெக்கர் நம்மை முழுமையாக ஈர்க்கவில்லை
2.5/5
-தமிழ் வெண்பா