டபுள் டக்கர்- விமர்சனம்

உசுரை மாத்தி எடுத்ததால் வரும் பிரச்சனையைப் பேசும் அதிசயப்பிறவி காலத்து கதை

முகத்தில் தீ பட்ட காயத்தால் தீரா தாழ்வு மனப்பான்மையோடு இருக்கிறார் நாயகன் தீரஜ். ஆனால் அவரைத் தேற்றி தோளோடு தோள் சாய்கிறார் நாயகி ஸ்மிருதி வெங்கட். இந்த ஆதுரத்தை காதலாக எண்ணி ப்ரோபோஸ் செய்கிறார் தீரஜ். அந்தப் ப்ரோபோஸை ஸ்மிருதி ரிஜெக்ட் செய்கிறார். உடனே மனமிழக்கும் தீரஜ் தற்கொலைக்கு முயல..அந்த நேரத்தில் அங்கு ஒரு ட்விஸ்ட் வருகிறது. அதாவது வானலோகத்தைச் சேர்ந்த ரைட்&லெப்ட் என்பவர்கள் ஒரு சொதப்பலைச் செய்துவிடுகிறார்கள். உயிர் ஒரு பக்கம் உடல் ஒரு பக்கம் என ஹீரோ அல்லாட, மறுபக்கம் மன்சூர் அலிகான், யாசிகா ஆனந்த், கருணாகரன், கோவை சரளா என இவர்களுக்கென ஒரு ட்ராக். இப்படி டபுள் டமாக்கா அடித்து பயணிக்கிறது படத்தின் திரைக்கதை

கதாநாயகன் தீரஜ் ஆவ்ரேஜ் ஆக நடித்துள்ளார். ஸ்மிருதி வெங்கட் அழகாக இருக்கிறார். இயல்பாக நடிக்கிறார். மன்சூர் அலிகான் காமெடி பல இடங்களில் நாட்பேட் ரகம். கோவை சரளா சிறப்பாக நடித்துள்ளார். கருணாகரன் உள்பட பலரும் கொடுத்த வேலைக்கு குறைவின்றி நடித்துள்ளனர்.

படத்தின் இசையில் சின்ன சுவாரஸ்யம் இருக்கிறது. பாடல்கள் பெரிதாக ஈர்க்கவில்லை. ஒளிப்பதிவாளர் தன்னால் இயன்ற எல்லா நல்ல விஷுவல்ஸையும் கொடுத்துள்ளார். எடிட்டர் இன்னும் ஷார்ப்பாக வேலை செய்திருக்கலாம். நிறைய இடங்களில் ஜம்ப் ஆகிறது படம். ஆர்ட் டைரக்டர் சுரேஷ் தன் வேலையைச் சிறப்பாகச் செய்துள்ளார்.

காமெடி தான் பிரதானம் என முடிவெடுத்த பட டீம் அதற்காக இன்னும் நிறைய ஸ்பெசல் எபெக்ட்ஸ் போட்டிருக்கணும். திரைக்கதையில் நிறைய வழவழ கொழகொழ இருப்பதால் படம் நம்மை விட்டு அகல நின்று விடுகிறது. டபுள் டக்கர் இன்னும் பல காமெடி ஏக்கரை வீசியிருந்தால் ஹிட் கன்பாத்ம் ஆகியிருக்கும். சில டிசைப்பாய்ன்மெண்ட் இருந்தாலும்
ஒன் டைம் வாட்சபிள் இந்த டபுள் டக்கர்
2.25/5
-மு.ஜெகன் கவிராஜ்