EMI- விமர்சனம்

தலைப்பே படத்தின் கதையைச் சொல்லிவிடுகிறது

சதாசிவம் தன் மனைவியை குஷிப்படுத்துவதற்காகவும் ஊரார் முன் கெத்து காட்டுவதற்காகவும் கார் பைக் என நிறையப் பொருட்களை EMI-ல் வாங்கிக் குவிக்கிறார். அது அவரது வாழ்வில் பெரும்புயலை கிளப்புகிறது. ஒரு கட்டத்தில் EMI பிரச்சனை அவரது கல்யாண வாழ்வையே கேள்விக்குள்ளாக்க, அடுத்து என்ன நடந்தது என்பது தான் கதை

கதையின் நாயகனாக சதாசிவம் ஒகே ரகம். இன்னும் மேம்பட்ட நடிப்பை அவர் வருங்காலங்களில் வெளிப்படுத்த வேண்டும். சாய் தான்யா நன்றாக நடித்துள்ளார். பிரபு ஜெயராம் இயக்கிய ‘என்னங்க சார் உங்க சட்டம்’ படத்தில் முத்திரைப் பதித்த அவருக்குச் சரியான வாய்ப்பு இன்னும் அமையவில்லை. பேரரசு, ப்ளாக் பாண்டி, ஆதவன் உள்பட பலர் தங்கள் இருப்பைப் பதிவு செய்யும்படி நடித்துள்ளனர்

ஸ்ரீநாத் பிச்சை இசையமைப்பில் பாடல்கள் பரவாயில்லை ரகம். பின்னணி இசையும் ஒகே தான். பிரான்சிஸ் தன் ஒளிப்பதிவில் தரத்தைக் கொண்டு வர மிகவும் போராடியுள்ளார். எடிட்டர் ராமர் இன்னும் ஷார்ப்பான எடிட்டிங்-ஐ கொடுத்திருக்கலாம்

மாத தவணையில் ஆடம்பரப் பொருட்களை வாங்கினால் அதன்பின் நாம் சந்திக்கும் அவதிகள் எவ்வளவு கொடுமையாக இருக்கும் என்பதை படம் பதிவு செய்ய முயற்சித்துள்ளது. எடுத்துக்கொண்ட கதை பாராட்டுக்குரியது என்றாலும் படத்தின் மேக்கிங் மற்றும் திரைக்கதையில் துளிகூட மெனக்கெடல் இல்லை. அதனாலே படத்தை ஒரே தவணையில் பார்ப்பது சிரமமாக இருக்கிறது
2/5
-வெண்பா தமிழ்