காலங்களில் அவள் வசந்தம்- விமர்சனம்

டைட்டில் போலவே ஒரு கவித்துமான கதை காலங்களில் அவள் வசந்தம் படத்தின் கதை

தன் வாழ்வில் காதலை தான் பார்த்த சினிமாக்களோடு தொடர்பு படுத்தி வாழவேண்டும் என்பது ஹீரோ கெளசிக்கின் லட்சியம். வாழ்வு என்பது புனைவுகளால் இருக்கக்கூடாது. அது இயல்பாக இருக்க வேண்டும் என்பது ஹீரோயின் அஞ்சலி நாயரின் குணாதிசயம். இப்படி முரண்பாடுள்ள இருவரும் கல்யாணம் செய்தால் என்னவெல்லாம் நடக்கும் என்பதே கா.அ.வ

அறிமுக நாயகன் கெளசிக் நல்ல தேர்வு. உணர்வுகளை வெளிப்படுத்தி நடிப்பதில் மிகையின்றி ஸ்கோர் செய்கிறார். வசன மாடுலேசனில் மட்டும் நல்ல கவனம் செலுத்தினால் நன்றாக கவனிக்கப்படுவார். அஞ்சலி நாயர் மிக அழகாக இருக்கிறார். அவரின் நடிப்பை ஒருபடி மேல் ஏற்றும் கேரக்டர் இப்படத்தில் அவருக்கு வாய்த்திருக்கிறது. ப்ளாக் ஷீப் விக்னேஷ் காமெடியை விட, ஒரு எமோஷ்னல் சீனில் நன்றாக நடித்துள்ளார். இன்னொரு ஹீரோயின் கேரக்டரும் ஓ.கே ரகம்

பின்னணி இசை பாடல்கள் இரண்டும் 2K கிட்ஸை குறிவைத்து அமைக்கப்பட்டுள்ளது. அவை ஓரளவு வொர்க்கவுட்டும் ஆகியுள்ளது.ஒளிப்பதிவு கதையின் இயல்பை மீறாமல் இருப்பதால் ரசிக்க முடிகிறது

மிக அழகாக என்பதை விட மிக மிக இயல்பாக துவங்கும் படத்தில் ஆங்காங்கே பல திருப்பங்களை இயக்குநர் ராகவ் மிர்தாத் வைத்திருக்கலாம். நிறைய காட்சிகள் நாடகபாணியில் நகர்வதை நச்சென்ற திரைக்கதை மூலமாக சரி செய்திருக்கலாம். ஒரு கட்டத்தில் இதற்கு மேல் இக்கதையில் என்ன இருக்கிறது என்று கேள்வி எழுகிறது. ஆனாலும் சின்னச் சின்ன க்யூட் வசனங்களும் வெகுசில ஐடியாக்களும் படத்தை தொய்வின்றி கடத்துகிறது. பேரன்பு மட்டும் தான் உறவை நீட்டிக்கச் செய்யும் அரு மருந்து என்ற அருமையான க்ளைமாக்ஸுக்காக படத்தை ஒருமுறை பார்க்கலாம்

2.75/5

-மு.ஜெகன் கவிராஜ்

#KaalangalilAvalVasantham #காலங்களில்அவள்வசந்தம்