கிங் ஆப் கொத்தா- விமர்சனம்

கொத்தா எனும் ஏரியாவுக்கு யார் கிங் என்பதே கிங் ஆப் கொத்தா

1996-ல நடக்குற கேங்வார் கதை. அந்தக் கதைக்கான காரணமா 1986-ல ஒரு கதை இருக்கு . இந்த கதையோடு லிங் ஆகுற அந்தக் கதைக்கும் இந்தக் கதைக்கும் என்ன முடிவு என்பதே படத்தின் திரைக்கதை

ஆன் ஸ்கிரீனில் On fire ah இருக்கார் துல்கர் சல்மான். மலையாள நடிகர் அவர், but ஒரு தெலுங்குபட ஹீரோ ரேஞ்சிற்கு மாஸ் காட்டியுள்ளார் சில இடங்களில் அது ஓவர் டோஸாகவும் அமைந்துள்ளது. ஐஸ்வர்யா லட்சுமி கொடுத்த வேலைக்கு குறை வைக்கவில்லை. அப்புறம் அழகாகவும் இருக்கிறார். கண்ணன் பாயாக நடித்துள்ள வில்லன் மிரட்டுறார். தமிழ் முகங்கள் வேண்டும் என்பதால் பிரசன்னா வடசென்னை சரண் ஆகியோர் பயன்படுத்தப்பட்டுள்ளனர். வில்லி கேரக்டரின் பெர்பாமன்ஸும் அல்டிமேட் ரகம். அவரின் கேரக்டரில் இருக்கும் ட்விஸ்டும் பக்கா

படத்தின் இன்னொரு ஹீரோவாக இருப்பது ஸ்டண்ட் கொரியோகிராபி & சினிமாட்டோகிராபி. இரண்டுமே அத்தனை நேர்த்தியாக அமைந்துள்ளது. படத்தின் மாஸ் காட்சிகளுக்கு ஏற்ப பின்னணி இசை அமைந்துள்ளது. சில இடங்களில் காட்சிகளை இசை டாமினேட் செய்வதையும் சொல்லியாக வேண்டும். 3 மணி நேரத்தையொட்டிய படத்தை எடிட்டர் கண்டிப்பாக கொஞ்சம் வெட்டியிருக்கலாம்

ரவுடியாக இருந்தாலும் இருக்கது போதும் கிடைச்சதே லாபம்னு வாழ்ற ஹீரோவுக்கு லவ் மட்டும் தான் இலக்கு. But அதுக்கும் சீக்கிரமே முடிவு வந்திடுது. நெக்ஸ்ட் தங்கச்சி பாசமும் அந்தத் தங்கச்சிக்கு ஒரு பிரச்சனையுமாக கதை பயணிக்கிது. அடுத்து நட்பு துரோகம்னு கதை சுத்த, கெத்தா இருக்க வேண்டிய கிங் வெத்தா ஆயிடுறார் சில இடங்களில். ஒரு பிரச்சனையை தீர்த்து வைக்கிறது மூலமா ஹீரோ மாஸ் காட்டலாம். ஆனா இதில் ஹீரோ மாஸ் காட்டுவதற்காகவே பல பிரச்சனைகள் உருவாக்கப்படுவதால் படம் நம்மோடு சிங் ஆக மறுக்கிறது. ஆயினும் சிறப்பான மேக்கிங், துல்கரின் ஆக்‌ஷன் ஆக்டிங் ஆகியவற்றுக்காக கொத்தாவுக்கு ஒரு விசிட் அடிக்கலாம்
2.75/5
-மு.ஜெகன் கவிராஜ்