லியோ- விமர்சனம்

அக்மார்க் ஆக்‌ஷன் படம் லியோ

LCU-ல் போதைப் பொருள் கடத்தலுக்கு எதிராக நிற்பார்கள் ஹீரோக்கள்? ஆனால் லியோவில் அது உல்டா! மேலும் அப்பா மகன்/மகள் செண்டிமெண்ட் ஏரியாவும் ஹெவியாக இருக்கும். இதில் அதுவும் மிஸ்ஸிங். நரபலி போதைகொண்ட தந்தைக்கும், தந்தையின் மூட நம்பிக்கைக்கு எதிராக நிற்கும் மகனுக்குமான ஆக்‌ஷன் தொகுப்பு தான் படத்தின் மொத்தக்கதையும்

45+ ஆக இருக்கும் விஜய் அதே வயதில் வருவது படத்திற்கே பெரும் ப்ளஸாக அமைந்துள்ளது. தனித்துவமான உடல்மொழி, தேர்ந்த வசன உச்சரிப்பு என நிச்சயமாக லியோ விஜய் டோட்டல் different! Love it vijay! திரிஷாவிடம் “உயிர் உங்களுடையது தேவி” என்று சொல்ல வைக்கும் அழகு அப்படியே இருக்கிறது. நடிப்பும் ஆசம். அர்ஜுன் சஞ்சய் தத் இருவரின் கேரக்டரிலும் பெரிய டெப்த் இல்லாததால் விஜய்க்கு அவர்களால் டப் கொடுக்க இயலவில்லை. மிஷ்கின் சாண்டி ஓகே ரகம். கெளதம் மேனென் சின்னதாக கவனம் ஈர்க்கிறார்.

படத்தின் முதல் ஹீரோ அன்பறிவ் மாஸ்டர்ஸ். பைட் காட்சிகளில் மாஸ் காட்டியுள்ளனர். சின்னச் சின்ன ஸ்டண்ட் சீக்வென்ஸில் கூட பெரிய மெனக்கெடலைப் போட்டுள்ளது அன்பறிவ் டீம். மனோஜ் பரமஹம்சாவின் ஒளிப்பதிவு லியோவிற்கு சிங்கபலம். எவரி ப்ரேமிங் அசத்தல் ரகம். அனிருத் பாடல்களில் கொடி கட்டி..பின்னணி இசையில் கோட்டை விட்டுள்ளார். பிலோமின் ராஜின் எடிட்டிங் செம்ம ஷார்ப் என்றாலும் லோகேஷிடம் சண்டை போட்டாவது இன்னும் 20 நிமிடத்தை வெட்டியிருக்கலாம்.

தப்பான அப்பா…அவரை காவு கொள்ளும் மகன் என லோகேஷ் யுனிவர்ஸ் மட்டுமல்ல..எல்லா யுனிவர்ஸ்லும் அடித்துத் துவைத்த கதை இது. அதை சிறிது சிறிதாக திரைக்கதையில் சுவாரஸ்யப்படுத்த முயற்சித்துள்ளார் லோகி. வலிமையான மேக்கிங்& ஆக்டிங் இருந்தும் படம் ரைட்டிங் ஏரியாவில் வீக் ஆகவே இருக்கிறது. கெட்டது செய்த ஹீரோ…பின் திருந்தி கெட்டது செய்யும் அப்பாவை வதம் செய்கிறார் எனும் போதே படத்திற்குள் நாம் கனெக்ட் ஆக முடியாமல் போகிறது. LCU என்ற விசயமும் படத்தில் போர்ஸாக திணிக்கப்பட்டுள்ளதால் துளியும் தாக்கம் ஏற்படவில்லை.
நிறைய நெருடல்கள் படத்தில் இருந்தாலும் விஜய்யின் ஆக்‌ஷன் டெரபிக்கான நடிப்பு ஆகியவற்றுக்காக fire விடலாம்.

முந்தைய லோகேஷ் படங்களை ஒப்பிடும் போது லியோ Low குவாலிட்டி.. முந்தைய விஜய் படங்களை ஒப்பிடும் போது லியோ ஹை குவாலிட்டி.. Mind set பண்ணிட்டுப் போங்க மக்களே
2.75/5
-மு.ஜெகன் கவிராஜ்