பிச்சைக்காரன் 2 – விமர்சனம்

பணக்காரர் உடலுக்குள் பிச்சைகாரர் மூளை. அதன்பின்னால் உள்ள சதி எமோஷ்னல் ஆகியவையே pk-2

ஒரு லட்சம் கோடிக்கு அதிபதியான பணக்கார விஜய் ஆண்டனி. அவரின் சொத்துக்களை வளைப்பதற்காக அவரது நண்பர்களால் ஒரு மெகா திட்டம் தீட்டப்படுகிறது. அந்தத் திட்டத்திற்குள் வந்து சிக்குகிறார் பிச்சைக்காரரான இன்னொரு விஜய் ஆண்டனி. பிச்சைக்காரர் விஜய் ஆண்டனியின் பின்னணி என்ன? பணக்கார விஜய் ஆண்டனியின் மூவ் & முடிவு என்ன? என்பதற்கு படம் பதில் சொல்கிறது

விஜய் ஆண்டனி நடிப்புக்கு ஏற்ற கதை என்ற சொல்ல முடியாவிட்டாலும் நடிப்பில் ஓரளவு சமாளித்துள்ளார். யோகிபாபுவிடம் மூன்று நாட்கள் டேட் வாங்கியிருப்பார்கள் போல. ஆங்காங்கே தென்பட்டு கிச்சுகிச்சு மூட்டுகிறார். நாயகி நடிப்பில் பெரிய ஏற்றமில்லை. ஜான் விஜய் உள்ளிட்ட பிற நடிகர்களின் நடிப்பில் பெரியளவில் சுரத்தில்லை

பக்காவாக அமைந்திருக்கிறது விஜய் ஆண்டனி அமைத்துள்ள பின்னணி இசை. அண்ணன் தங்கை செண்டிமெண்ட் பாடல் ஒன்றும் அம்சமாக அமைந்துள்ளது. ஒளிப்பதிவு தரமாக அமைந்துள்ளது. வரைகலையில்( CG) மொத்தமாக கோட்டைவிட்டுள்ளனர். விஜய் ஆண்டனியின் எடிட்டிங்கும் சொல்லிக்கொள்ளும் படி இல்லை

ஒரு இயக்குநராக முன்பாதி படத்தை சிறப்பாக நகர்த்தியதில் விஜய் ஆண்டனி கவனிக்க வைக்கிறார். குறிப்பாக அண்ணன் தங்கை ப்ளாஷ்பேக் காட்சிகள் எல்லாம் அசத்தல் ரகம். எமோஷ்னல் விறுவிறுப்பு என பயணித்த கதை பின்பாதியில் இலக்கற்றுப் பயணித்து ரசிகனைப் பாடாய்படுத்தி விடுகிறது. ஒரு லட்சம் கோடி பணத்தைப் பிரித்து ஊரெல்லாம் கொடுக்கிறேன் என விஜய் ஆண்டனி களத்தில் இறங்கும் காட்சிகளுக்குப் பிறகு படம் சீமானின் யூட்யூப் வீடியோ லெவலுக்கு இறங்கிவிட்டது

பிச்சைக்காரன்2 ரசிகனோடு டூ போட்டு விட்டார்
2.5/5
-மு.ஜெகன் கவிராஜ்

#Pichaikkaran2 #பிச்சைக்காரன் 2