ராஜாமகள்- விமர்சனம்
அப்பா மகளின் எல்லையற்ற பாசத்தைப் பேசும் படம் ராஜாமகள்
அப்பா என்பவர் இந்த உலகில் எவ்வளவு ஏழையாக இருந்தாலும் தன் மகளுக்கு அவர் கோடிஸ்வரனாகத்தான் தெரிவார். தன் அப்பா தான் கேட்கும் எதையும் பெற்றுத்தரும் தகுதியுள்ளவர் என்ற மகளின் நம்பிக்கைக்காகவே அப்பாக்கள் ஓடி ஓடி உழைப்பதை காணமுடியும். அப்படியொரு அப்பா தான் ராஜாமகள் படத்தின் அப்பா. மகள் ப்ரதிக்ஷா ஆசைப்பட்டு கேட்கும் எதையும் வாங்கித் தரும் அப்பாவாக இருக்கிறார் முருகதாஸ். அவரிடம் மகள் ஒரு பெரிய வீட்டைக்கேட்கிறாள். செல்போன் சர்வீஸ் செய்யும் வேலை செய்யும் முருகதாஸால் மகளின் அந்த ஆசையை நிறைவேற்ற முடிந்ததா..இல்லையா? என்பதே படத்தின் கதை
அப்பாவாக நடித்துள்ள முருகதாஸ் நம் கண்களை நனைக்கும் படியான நடிப்பை வழங்கியுள்ளார். மரத்திற்கு பின்னால் நின்று ஒரு காட்சி போதும். மகளாக நடித்துள்ள ப்ரதிக்ஷா மிகப்பிரமாதமாக நடித்துள்ளார். கண்களால் அவர் காட்டும் ரியாக்ஷன்ஸ் எல்லாம் அசத்தல் ரகம். வெலினா பக்ஸ் ஆகியோரும் கொடுத்த வேலையைச் செய்துள்ளார்கள்
கதைக்குத் தேவைப்படும் இசையை வழங்கியுள்ளார் இசைஞர். காட்சிகள் டிமாண்ட் செய்யும் விஷுவல்ஸை கொடுத்துள்ளார் கேமராமேன்.
மகளின் ஆசையை நிறைவேற்றத்துடிக்கும் தந்தையின் கதை என்பதாக கதை சுருங்கி இருந்தாலும், அதை உணர்ச்சி மிகுந்த திரைக்கதையாக்கி கவனம் பெறுகிறார் இயக்குநர் ஹென்றி. இன்னும் பின்பாதி படத்தில் கூடுதல் கவனம் செலுத்தியிருக்கலாம். படம் பார்க்கும் தந்தையை அசைத்துப் பார்த்த வகையில் இந்த ராஜாமகளுக்கு மகுடம் சூட்டலாம்
3.5/5
-மு.ஜெகன் கவிராஜ்