ரூட் நம்பர் 17- விமர்சனம்

வித்தியாசமான தலைப்பைப் பிடித்தவர்கள் வெற்றிகரமான கதையைப் பிடித்தார்களா?

நாட்டுக்குள் இருந்து காட்டுக்கு ரூட் போட்டு கிளம்புகிறார்கள் அகில் பிரபாகர், அஞ்சு. இந்த இணையரை பணையமாக கடத்தி கொடுமைப்படுத்துகிறார் ஹீரோ ஜித்தன் ரமேஷ். இவர்களை மீட்க காவல்துறை தேடுதல் வேட்டையை நடத்த, ஜித்தன் என்னென்ன சித்துக்களை காண்பித்தார் என்பதாக கதை பயணிக்கிறது

பால் வடியும் முகத்தை வைத்து, தேள் கொட்டும் நடிப்பைத் தந்துள்ளார் ஜித்தன் ரமேஷ். வில்லனத்தனம் அவருக்கு நன்றாகவே கை வருகிறது. அகில் பிரபாகர் அஞ்சு இருவரும் குறை வைக்காத நடிப்பால் கவர்கிறார்கள். முன்னாள் அமைச்சராக ஹரிஷ்பெரேடி மாஸ் காட்டியுள்ளார். மனுசன் என்ன கேரக்டர் கொடுத்தாலும் பின்றாரே!

பிரசாந்த் பிரணவம் ஒளிப்பதிவால் நம்மை வனப்பகுதிக்கு அழைத்துச் செல்கிறார். பாதாள அறை சீன்களில் தனிக்கவனம் செலுத்தியுள்ளார். அவுசப்பச்சன் தனது தனித்திறனை பாடல்களில் காட்டியுள்ளார். பின்னணி இசை இது போதும் என்ற உணர்வை தருகிறது

அபிலாஷ் ஜி.தேவன் எழுத்து இயக்கம். இன்னும் மெனக்கெட்டிருந்தால் இந்த ரூட் சக்சஸாக அமைந்திருக்கும். இருப்பினும் ஒரு ரவுண்ட் போவதற்கு ஏற்ற ரவுண்டாகத் தான் இருக்கிறது இந்த ரூட் நம்பர்-17
2.5/5
-மு.ஜெகன் கவிராஜ்