ஸ்ட்ரைக்கர் – விமர்சனம்

சதா ஆவியைப் பற்றி பேசினா அது லாரன்ஸ் படம். சும்மா ஆவி கூடவே பேசினா அது ஸ்ட்ரைக்கர் படம்

ஆவி பற்றிய ஆராய்ச்சி கொண்ட நாயகனைத் தேடி பேட்டி காண வருகிறார் நாயகி. இருவருக்கும் மெல்லிய சிநேகம் ஏற்படுகிது. இருவரும் இணைந்து ஒரு வீட்டுக்குள் ஆவியோடுப் பேசச்செல்கிறார்கள். அங்கு ஆவியோடு எப்படி பேச வேண்டும் என்ற விதிமுறைகளைச் சொல்லித் தருகிறார் கஸ்தூரி. அந்த விதிமுறைகள் நாயகன் நாயகி இருவரும் எசகுபிசகாக கையாள, முடிவில் என்ன ஆனது என்பதே படத்தின் கதை

சொல்லிக்கொள்ளும் படியான நடிப்பை யாருமே வழங்கவில்லை என்பது சின்ன மைனஸ். கஸ்தூரி ராபர்ட் உள்ளிட்ட நட்சத்திரங்கள் ஓரளவு சமாளிக்கிறார்கள். கேரக்டர்களுக்கான எழுத்தில் அழுத்தம் கொடுத்திருக்கலாம்

ஒளிப்பதிவு பின்னணி இசை இரண்டிலுமே பெரிய ஈர்ப்பு இல்லை

கொஞ்சம் சீரியஸாக உழைத்தால் ஒரு சின்ன லைனை வைத்துக்கொண்டே திரைக்கதையில் எவ்வளவோ விளையாட முடியும். ஆனால் இந்த டீம் மிகவும் விளையாட்டாக உழைத்துள்ளனர்.

2.25/5

-மு.ஜெகன் கவிராஜ்