தலைக்கூத்தல்- விமர்சனம்

உடல் அளவில் மீள முடியாமல் வாழும் பெரியவர்களை குடும்பத்தினரே கொலை செய்வதை தலைக்கூத்தல் என்பார்கள். இப்படியொரு கொடுமையான சடங்கைச் செய்ய படத்தின் முக்கியமான கதாப்பாத்திரங்கள் முடிவு எடுக்கின்றன. அதை மெயின் கேரக்டரான சமுத்திரக்கனி எப்படி தடுக்கிறார்..தடுத்தாரா இல்லையா என்பதே தலைக்கூத்தல் படத்தின் கதை

மிகவும் அவசியமான விசயத்தைப் பேசும் இப்படத்தில் அநாவசியமான ஒரு ரியாக்‌ஷனை கூட கொடுக்காமல் அருமையாக நடித்துள்ளார் சமுத்திரக்கனி. அவரின் மனைவியாக வரும் வசந்த்ரா உள்பட அனைவருமே தேர்ந்த நடிப்பை கொடுத்துள்ளார்கள்

ஒரு நல்ல கதையம்சம் உள்ள படங்களுக்கு பெரிய பிராமாண்ட இசையோ, பிராண்ட் இசையோ தேவையில்லை என்பதை உணர்ந்து இசை அமைத்துள்ளார் இசைஞர். ஒளிப்பதிவாளரின் பங்கும் பெரிதும் பாராட்டுக்குரியது.

வலிமையான கதை எளிமையான மேக்கிங் என படம் கனமாக நகர்ந்தாலும் முழு சினிமாவாக மாறும் சூழல் தலைக்கூத்தல் படத்திற்கு வாய்க்கவில்லை. ஆனாலும் இது வரவேற்கத்தகுந்த முயற்சி
2.75/5

-மு.ஜெகன் கவிராஜ்