எண்ணித்துணிக- விமர்சனம்

மர்மங்கள் நிறைந்த கதைகளை எழுதுவதில் இருக்கும் நேர்த்தையை விட எடுப்பதில் அதிக நேர்த்தி தேவை. அந்த நேர்த்தி மிஸ் ஆனால் படத்தின் வெற்றி பாதிக்கப்படும். சிறிய மர்ம முடிச்சோடு துவங்கும் எண்ணித்துணிக படம் எப்படி இருக்கு?

ஒரு கொள்ளைக்கார கும்பல் நகைக்கடையை கொள்ளையடிக்கிறார்கள்..அப்படி கொள்ளையடிக்கும் போது ஹீரோ ஜெய்க்கு ஒரு பெரிய இழப்பு ஏற்படுகிறது. அந்த இழப்பை ஈடு செய்ய..அவர் என்ன செய்தார் என்பதே படத்தின் கதை

ஜெய் ஆக்‌ஷன் காட்சிகளில் மிரட்டியிருக்கிறார். முழு எனர்ஜியோடு படத்தில் நடித்துள்ளார். காதல் காட்சிகள் மற்றும் எமோஷ்னல் காட்சிகளில் தான் சற்று போரடிக்கிறார். அதுல்யாரவி மிக அழகாக இருக்கிறார். ஆனால் அவரது நடிப்பும் கேரக்டர் வடிவமும் படு வீக்காக இருக்கிறது..அஞ்சலி நாயர் கேரக்டர் ஓ.கே ரகம். வில்லன்ஸ் எல்லோருமே நடிப்பில் மிகைத்தன்மையை அள்ளித்தெளித்துள்ளார்கள்

பின்னணி இசை போதுமான அளவு படத்திற்கு உதவியிருந்தாலும் இன்னும் போதவில்லை என்றே தோன்றுகிறது..பாடல்களும் பெரிதாக எடுபடவில்லை. ஒளிப்பதிவு சண்டக்காட்சிகளில் மட்டும் நன்றாக இருந்தது

ஏனோ தானோ என படம் ஜம்ப் ஆகிறது. திரைக்கதையில் கூடுதல் உழைப்பைச் செலுத்தியிருந்தால், எண்ணித் துணிக வெல்டன் என துணிந்துச் சொல்லிருக்கலாம்..ஜஸ்ட் மிஸ்! இருப்பினும் முன்பாதியிலும் பின்பாதியிலும் வரும் சில ட்விஸ்ட்கள் படத்தை காப்பாற்றுகிறது.
3/5
-மு.ஜெகன் கவிராஜ்