80’s பில்டப்- விமர்சனம்

காமெடின்னு சொன்னாலே சிரிச்சுடுவாங்க என்ற நம்பிக்கையில் நம் மீது இறக்கப்பட்ட வன்முறைச் செயல்பாடு தான் 80’s பில்டப் படம்

80 காலகட்டத்தில் நடக்கும் கதை. தீவிர கமல் பேன் சந்தானம். அவருக்கும் அவரது தங்கைக்கும் ஆகாது. ரஜினி ரசிகரான சந்தானத்தின் தாத்தா இறந்த அன்று சந்தானமும் அவர் தங்கையும் ஒரு சவால் போடுகிறார்கள். அந்தச் சவாலின் காரணியாக ஹீரோயின் இருக்கிறார். அந்தச் சவால் என்ன? சந்தானம் ஜெயித்தாரா என்பதே கதை

தலையில் விக்கும், டயலாக்கில் கெத்தும் காட்டுவதே நடிப்பு என சந்தானத்தை நம்ப வைத்து வேலை வாங்கியுள்ளார் இயக்குநர் கல்யாண். சந்தானமும் இயக்குநர் சொன்னதை அப்படியேச் செய்துள்ளார். நாயகி என இருவர். இருவருமே ஓகே ரகம். கே.எஸ்.ரவிக்குமார், சுந்தர்ராஜன், மன்சூர் அலிகான், ஆனந்த் ராஜ், மனோபாலா, மயில்சாமி, முனிஷ்காந்த், கிங்க்ஸ்ட்லி, பழைய ஜோக் தங்கதுரை, கும்கி அஸ்வின், என படத்தில் டஜன் கணக்கில் ஆர்டிஸ்ட். அனைவருமே காமெடி செய்கிறார்கள். எதுக்குச் சிரிக்கணும் யாருக்குச் சிரிக்கணும் என்ற கன்பியூஸ் வேறு வந்துவிடுகிறது

ஜிப்ரானிடம் கல்யாண் என்ன சொல்லி இசையை வாங்கினாரோ தெரியவில்லை..ஜிப்ரான் தன் இயல்பில் இருந்து விலகி அடித்துள்ளார். அது காதுகளை பலமாக பதம் பார்க்கிறது. ஒளிப்பதிவும் சொல்லிக்கொள்ளும் படி இல்லை. CG ஷாட்ஸ் எல்லாம் பல்லிளிக்கின்றன

கதையாக சின்ன இன்ட்ரஸ்ட் இருந்தாலும் திரைக்கதையும் மேக்கிங்கும் படத்தை பாதாளத்திற்குள் தள்ளிவிடுகின்றன.

டைட்டில் பந்தாவாக வைத்தவர்கள், படத்தை பந்தாடிவிட்டார்கள். உசிலம்பெட்டி வழியாக தேனி பஸுல் போகும்போது தடக்புடக் சத்தத்தோடு பார்க்க வேண்டிய காவியம் இந்த பில்டப்
1.75/5
-மு.ஜெகன் கவிராஜ்