ஓடவும் முடியாது ஒளியவும் முடியாது- விமர்சனம்

சினிமாவில் சாதிக்க விரும்பும் ஒரு இளைஞர் பட்டாளம். மேலும் ஐடி வேலை செய்யும் இரு பெண்கள், பள்ளி மாணவர்கள், குடிப்பிரியர் ஒருவர் என ஒரு வித்தியாசக்கூட்டணி ஒன்று ஒரு தியேட்டரில் மாட்டிக்கொள்கிறது. அந்த தியேட்டர் 1993ஆம் ஆண்டு முதல் பூட்டிக் கிடக்கும் தியேட்டர் என்பது அடிஷ்னல் கதை. பூட்டிக்கிடக்கும் தியேட்டரில் பூரான் இருந்தால் ஓகே.. பேய் இருந்தால் Not ok இல்லியா? அதனால் மாட்டியவர்கள் ஓட நினைக்க, பேய் விடாமல் தடுக்க அடுத்தடுத்து நடப்பது தான் மிச்சக்கதை

கோபி, சுதாகர் கூட்டணி யூட்யூபில் எடுபட்ட அளவுக்கு திரையில் சோபிக்கவில்லை. அதேநேரம் சோதிக்கவுமில்லை. யாசிகா ஆனந்த் இப்படியான படங்களுக்கென்றே நேர்ந்துவிட்ட ப்ராபர்டியாக வருகிறார். முனிஷ்காந்த் உள்ளிட்ட மற்ற நடிகர்கள் எல்லாம் ஒகே ரகம்

படத்தில் இருவரின் உழைப்பு பாராட்டத்தக்கது. இசை அமைப்பாளர் மற்றும் ஒளிப்பதிவாளர். எதாவது இந்தப்படத்துக்கு நாம் செய்தே ஆகவேண்டும் என வேலை செய்துள்ளனர். வெல்டன் வெல்டன்

ஒரு பேய்ப்படத்திற்கு நார்மல் படத்தை விட உழைப்பு தேவை. அதை ஏனோ இப்பட இயக்குநர் உணரத்தவறிவிட்டார். பேய்படங்கள் என்பதால் லாஜிக் வரையறைகளை மீறி நிறைய வடைகளை சுட்டிருக்கலாம். அதையும் விட்டுட்டார் டைரக்டர். ஓரளவு சிரித்தால் போதும் என்ற முடிவோடு அமைக்கப்பட்டுள்ள திரைக்கதை நம்மை ஒன்ற வைக்காமல் ஓட வைக்கிறது
2/5
-மு.ஜெகன் கவிராஜ்