எமகாதகி- விமர்சனம்

கதையின் பலத்தை நம்பி களம் இறங்கியுள்ளாள் இந்த எமகாதகி

நாயகி ரூபா கொடுவாயூர் இறந்து போகிறார். அவரது உடலை வீட்டிலிருந்து வெளியே எடுக்க முடியவில்லை..அதன் காரணம் என்ன என்பதாக படத்தின் திரைக்கதை தடதடக்கிறது. பிணத்தை எடுக்க பிரயத்தனப்படும் சம்பவங்கள் வழியாக நிறைய பின்கதை பின்னப்பட்டுள்ளது

கதையின் நாயகி உயரற்ற தன் உடலைக் கொண்டே அந்தக் கேரக்டருக்கு உயிர் கொடுத்துள்ளார். அவரின் அம்மா கீதா கைலாசம் கடைசி நேரத்தில் எடுக்கும் அவதாரம் வேறலெவல். ஏனைய நடிகர்களில் குறிப்பிட்டுச் சொல்லும்படி நிறையபேர் நடித்துள்ளனர். நிறைய புதுமுகங்கள். அந்தச் சாயல் துளியுமின்றி அசத்தியுள்ளனர்

படத்தின் உணர்வை இசை வழியே சரியாக கடத்தியுள்ளார் இசை அமைப்பாளர். ஒளிப்பதிவாளருக்கு இப்படம் கடும் சவால். அதைச் சிறப்பாக ஏற்று அசத்தியுள்ளார். எடிட்டிங்கும் நல்ல மைலேஜ் கொடுத்துள்ளது

சிக்கனமான பட்ஜெட்டில் எடுக்கப்பட்டாலும், உருவாக்கத்தில் எந்த மெத்தனத்தையும் காட்டவில்லை இயக்குநர். சின்னச் சின்ன காட்சிகள் வழியே கதையை சிறப்பாக நகர்த்தியுள்ளார். நல்லதொரு அனுபவத்தை தரும் இந்த எமகாதகி சிறு படங்களின் நம்பிக்கை
3.5/5

-வெண்பா தமிழ்