ஸ்வீட் ஹார்ட்- விமர்சனம்

குட்டியாக ஒரு காதல் கொண்டாட்டம்

படத்தின் துவக்கத்திலே ப்ரேக்கப் செய்கிறார்கள் காதலர்காளான ரியோராஜும், கோபி ரமேஷும். அவர்கள் பிரிவதற்கான காரணத்தை விட, திரும்பி சேர்வதற்கான காரணம் ஒன்று அமைகிறது. அந்தக் காரணம் என்ன என்பதும், காதலர்கள் இணைந்தார்களா என்பதும் தான் ஸ்வீட்ஹார்ட் கதை

ஹீரோ ரியோராஜுக்கு இது ஈசியாக தனது தோளில் சுமக்கும் கேரக்டர் என்பதால் சிறப்பாகவே நடித்துள்ளார். நாயகி கோபி ரமேஷ் தரமான நடிப்பை வெளிப்படுத்தி உள்ளார். நல்ல கேரக்டரேசன் அவருக்கு அமைந்துள்ளது. அருணாச்சலேஸ்வரன் சில இடங்களில் சிரிக்க வைக்கிறார்.

யுவனின் இசையில் ஒரு காதல் பாடல் ரிப்பீட் மோடில் அமைந்துள்ளது. பின்னணி இசை பரவாயில்லை கேட்டகிரி. பாலாஜி சுப்பிரமணியம் சிக்கமான ப்ரேமிங்ஸ் வைத்துள்ளார். படத்தின் விஷுவலில் பட்ஜெட் பல்லிளிக்கிறது. எடிட்டர் தமிழரசன் 15 நிமிடங்களை வெட்டி வீசியிருக்கலாம்

ஸ்வினீத் எஸ்.சுகுமார் மேக்கிங்கில் வீரியம் காட்ட முயன்றுள்ளார். சில எமோஷ்னல் காட்சிகளில் ரைட்டிங் கூட எடுபட்டுள்ளது. ஒரு முழுப்படத்தையும் எனர்ஜியோடு வைத்துக்கொள்ளும் திரைக்கதை லாவகம் அவருக்கு கைவரவில்லை போல. படம் சில இடங்களில் டல் அடிக்கிறது. இருப்பினும் படத்தில் கடைசி 20 நிமிடம் ஒரு எமோஷ்னல் பேக்கேஜ் கிடைக்கிறது. அந்த வகையில் படம் தப்பிக்கிறது

ஸ்வீட் ஹார்ட்- No hurt

2.75/5
-வெண்பா தமிழ்