அநீதி- விமர்சனம் அல்ல

அன்புள்ள வசந்தபாலன் அவர்களுக்கு.. தங்களின் அங்காடித் தெருவில் வசித்து, வெயிலில் குளித்தவன் எழுதும் கடிதம். உங்களின் அரவான், காவியத்தலைவன், செய்த செய்கையை கொஞ்சம் சகித்தேன். ஆனால் தங்களின் ஜெயில் அடியை மறக்கவே இல்லை. இருந்தும் எப்படியும் எம் எளிய மனிதர்களின் கதையை அந்த வலியோடு சொல்லும் படைப்பாளி நீங்கள் என்பதால் சற்று வருத்தத்தோடும் ஏக்கத்தோடும் காத்திருந்தோம் தங்களின் அநீதிக்காக!

இப்படி உங்களை விரும்பும் ரசிகனுக்கு நீங்கள் இவ்வளவு அநீதி செய்யலாமா?

அநீதி பார்த்தபின் இந்தப் படத்தோட கதை விவாதம் எப்படி நடந்திருக்கும்னு யோசித்ததால் வந்த பிரச்சினை இது! Read more…

“தம்புடு அங்காடித் தெரு சாயல் இருக்கணும்டா. அதனால இப்ப ட்ரெண்ட்ல உள்ள பாவப்பட்ட வொர்க்கர்ஸ் யார்னு பாரு!”

“Food டெலிவரி பண்றவங்களா? Ok அவங்க அவலங்களை லைட்டா அடுக்கிடுவோம். அப்புறம் இது வசந்தபாலனின் ஹீரோ அதனால அவனுக்கு எதாவது ஒரு இது இருக்கணும். அதனால அவனை டிப்ரசன் டேஞ்சரா மாத்து. டிப்ரசன் டேஞ்சர்னா? அதான் டிப்ரசன் அதிகமாகி யாரைப் பார்த்தாலும் கொலை பண்ணத்தோணும் கேரக்டரா மாத்து!
செம்ம!

பாவப்பட்ட ஹீரோ! மனநோய் வேறு! அதனால அவன் காதலிச்சே ஆகணும். அவன் காதலி ஒரு பாவப்பட்ட பொண்ணா இருக்கணும். அந்தப்பொண்ணு கண்டிப்பா வடசென்னைக்காரியா இருக்கணும். இந்த விசயத்துல கொஞ்சம் பொதுப்புத்தியை எடுத்துப்போம். அதாவது வடசென்னைக்காரி குடும்பம்ன்றதால அவ தம்பி கஞ்சா குடிக்கி, அப்பா மொடாகுடியர், தங்கச்சி மனசாட்சியே இல்லாத காதல் வெறியைன்னு போட்றலாம்!

“இப்ப ஹீரோ ஹீரோயின் காதலுக்குப் பிரச்சனை வரணும்”

“அதான் ஆல்ரெடி ஹீரோவிற்கு மனநோய் பிரச்சனை இருக்கே? அந்தப் பிரச்சனையோட சரடை வைத்தே கேரக்டர்களுக்குள் பிரச்சனைகளை உருவாக்கி ஒரு தேர்ந்த திரைக்கதை உருவாக்கிடலாமே!

இல்ல..இந்த முதலாளி வர்க்கத்தால காதலர்கள் பாதிக்கப்படணும். அப்பதான் லைட்டா இடதுசேலை வாசனை படத்துல வரும்.

ம்ம்…ஆங் ஹீரோ உள்பட Food டெலிவரி பாய்ஸ் எல்லோருக்கும் வேலை கொடுத்த கார்ப்பரேட் கம்பெனி நிறைய அநியாயங்கள் செய்றதா காட்டலாம். அப்புறம் ஹீரோயின் வேலை செய்ற வீட்டு முதலாளியம்மாவை அய்யர் சாயல்ல மாத்திவிடு. அவங்களை மிகப்பெரிய கொடுமை செய்றவாளா மாத்து. அந்த அம்மாவோட மகள்/ மகனை பாரின்ல இருக்குறவங்களாவும், அவங்க ஹீரோயினை கொடுமைப்படுத்துற அம்மாவை விட… கொடுமைக்காரங்களா இருப்பதா காட்டிருவோம். லைட்டா காமெடி வேணும். லைட்டா காமெடி அதனால விஜய் டிவி பேம்ஸ் ஒரு ஆளை வர வைக்கலாம்! அப்படியே அக்கா வனிதா விஜயகுமாரையும் கூப்டுக்கலாம். 2020 கொரானா டைம்ல லட்சுமி ராமகிருஷ்ணன் அக்காட்ட வனிதாக்கா கண்ணியமா பேசுன வீடியோ கான்வர்சேசன் டோனையும் பாடிலாங்வேஜையும் வனிதாக்காக்கு கொடுத்தா படம் கொஞ்சம் எனர்ஜியா இருக்கும்.

சார் சார்..இது கதையை அந்நியப்படுத்துமே சார்?

இல்ல..இல்ல இதான் 2K கிட்டுக்குப் பிடிக்கும். அவங்களையும் கவர் பண்ணணும்டா.. அப்பத்தான் செகண்ட் ‘ஆப்பை’ ஓட்ட முடியும்?

நம்மளை ஓட்டிர மாட்டாங்களா சார்?

எளிய மனிதர்களின் வலிகளை நாலு காட்சிகளா வச்சிருக்க நம்ம படத்தை ஒருத்தன் விமர்சிக்கிறான்னா.. அவன் அறப்பிறழ்ச்சி கொண்டவனா இருப்பான். எளிய மக்கள் நம்மளை கொண்டாடுவாங்க. அப்படி கொண்டாடலன்னா அவங்க எளிய மனிதர்களே இல்ல!

😳😳😳

சரி படத்துல கதை என்ன சார்?

எளிய மனிதன் ஒருவனுக்கு வந்த மன அயர்ச்சி. அதற்கான காரணம் சின்ன வயதில் அவன் அப்பா சந்தித்த ஒரு அண்ணாச்சி?

அண்ணாச்சியை தான் ஆல்ரெடி அங்காடித்தெருல போட்டு பொரட்டிட்டோமே! (ஆனால் அதில் 200% நியாயமும் இருந்துச்சு)

அந்த அண்ணாச்சி பெரும் முதலாளி. இப்ப சொல்லப்போற அண்ணாச்சி சிறு முதலாளி. யாரெல்லாம் முதலாளியா இருக்குறாங்களோ அவங்க எல்லோருமே அறமற்றவர்கள் தான். அதனால் கிராமத்துல மளிகை கடை அண்ணாச்சிக்கு மருந்துக்கும் கூட இரக்கம் கிடையாதுன்னு காட்டி, அந்த இரக்கமற்ற அண்ணாச்சி ஹீரோ அப்பாக்கு செய்த அநீதியால தான் ஹீரோ இப்படி டிப்ரசன் டேஞ்சரா இருக்கான். இப்படி பிரச்சனையோட இருக்குறவனுக்கு காதலும் பிரச்சனை! ஒரு கட்டத்தில் காதலியும் பிரச்சனை! அதுக்குக் காரணம் காதலியின் அறமற்ற செயலால் வரும் ஒரு பிரச்சனை தான்! தனக்கு என்ன பிரச்சனை வந்தாலும் பரவாயில்லைன்னு காதலிக்காக ஒரு பிரச்சனை உண்டுபண்ணி காதலி பிரச்சனையை ஹீரோ தீர்க்க நினைக்கிறான். அங்கு தான் பெரும் பிரச்சனை வருகிறது! தன் பிரச்சனைக்காக உதவி செய்யும் ஹீரோவின் உண்மை பிரச்சனையை உணர்ந்தும் மொத்த பிரச்சனையையும் ஹீரோ மேல் போடுகிறார் கீரோயின். வெறும் ஒத்தப் பிரச்சனையை சுமந்தவன், காதலால் மொத்தப்பிரச்சனையும் சுமந்து எப்படி …….. இதான் க்ளைமாக்ஸ்

கதைல நிறைய பிரச்சனை இருக்கே சார்!!

அறம், எளிய மனிதர்கள்னு பேசுனா பிரச்சினைன்னு சொல்ற.. நீயெல்லாம்….

இன்னொரு கதை இருக்குன்னு சொன்னீங்களே?

இருக்கு ஒன் லைன் இதுதான்

“தீவிர வாசிப்பாளன் ஆன ஹீரோவிற்கு நெகட்டிவ் ரிவ்யூஸ் எழுதுற/ சொல்ற எல்லாரையும் கொலைப் பண்ணத்தோணுது”
🏃‍♂️🏃‍♂️🏃‍♂️

-மு.ஜெகன் கவிராஜ்

#Aneethi