டிராகன்- விமர்சனம்

டிராகன்- விமர்சனம்

முதல் வார்த்தையில் சொல்லிவிடுகிறோம்..
முதல்ல தியேட்டருக்குச் சென்று படத்தைப் பாருங்கள்

நல்ல பையனா பன்னிரெண்டாம் வகுப்பு படிக்கும் போது, “நல்லப் பையன்னா பொண்ணுங்களுக்குப் பிடிக்காது” என்பது ஹீரோ பிரதீப் ரங்கநாதன் மனதில் ஏற்றப்படுகிறது. ஆக தலைவன் காலேஜில் 48 அரியர்ஸ் வைத்து, அதுவே கெத்து என்று வாழ்கிறார். காதலி அனுபமாவும் ஹீரோ எப்படி இருந்தாலும் ஒகே என்கிறார். So what? But “லவ் வேற.. Life வேற” என்ற நிதர்சனம் புரியும் பிரதீப்பின் காதலியான அனுபமா பரமேஷ்வரன் டாட்டா காட்டுகிறார். அதற்கான காரணம், “வெற்றிகரமான வாழ்க்கை” என்பதாக இருக்கிறது. Then எப்படியாவது சக்சஸான வாழ்வை வாழ வேண்டும் என்று முடிவெடுக்கும் ஹீரோ, Fake ரூட் எடுக்கிறார். Fake vs fact என்ற வழிகளில் திரைக்கதை தடதடக்க.. Happy End கொடுத்து முடிகிறது படம்

பிரதீப் நடித்த முதல் படத்தில், “தனுஷ் சாயல் தெரிகிறது” என்று சொன்ன அனைவரின் மொழிகளையும் இந்தப் படத்தின் மூலம் மாற்ற வைத்துள்ளார் பிரதீப். Yes துளியும் பிற நடிகர்களின் சாயல் இல்லாத நடிப்பு. Love ஆக்சன்,எமோஷ்னல் என எல்லா ஏரியாவிலும் பிரதீப் சொல்லி நடிக்கிறார் கில்லி மாதிரி. அனுபமா பரமேஷ்வரனா… காயடு லோகரா? என்று போட்டி வைக்கும் அளவில் இருவரும் ஸ்கிரீனில் ஸ்கோர் செய்கிறார்கள். அனுபமாவிற்கு 100 மார்க்கும், காயடு லோகருக்கு One hundred மார்க்கும் கொடுத்திருவோம் பாஸ். வி.ஜே சித்து, ஹர்ஷத் கான், மிஸ்கின், கெளதம் மேனென், கே.எஸ்.ரவிகுமார், ஜார்ஜ் மரியான் உள்ளிட்ட திரை தொட்டிருக்கும் எல்லா நடிகர்களும் நம் மனம் தொடுகிறார்கள்

லயன் ஜேம்ஸ் இசையில் பாடல்கள் 2K கொண்டாட்டம் என்றால், பின்னணி இசை பக்கா எமோஷ்னல் பேக்கேஜ். ஒளிப்பதிவாளர் நிக்கித் பொம்மி எல்லா ஷாட்களையும் கதை சொல்லியாக கம்போஸ் செய்து அசத்தியுள்ளார். எடிட்டர் பிரதீப் ராகவ் தரமான கட்ஸ்களால் படத்திற்கு கூடுதல் எனர்ஜி ஏற்றியுள்ளார்
Very well production design என்ற பெயரை இந்த வருடமும் தட்டிச் செல்கிறது AGS நிறுவனம். ஆடியன்ஸ் பல்ஸ் அறிந்து இந்தப் படத்தை டிக் அடித்துள்ளார் கல்பாத்தி அர்ச்சனா

முதல் இருபது நிமிடங்கள் வழக்கமான சினிமாவா வளரும் படம், ஹீரோவின் சேன்ச் ஓவர் மனநிலையில் இருந்து Take of ஆகிறது. அதன்பின் ஜெட் வேகம் தான். படத்தைப் பக்காவாக காப்பாற்றி இருப்பது இயக்குநரின் திரையெழுத்து தான். தானொரு நல்ல ஸ்கிரீன் ரைட்டர் என மீண்டும் நிரூபித்துள்ளார் அஸ்வத் மாரிமுத்து. படத்தில் வரும் எல்லாக் காட்சிகளுக்கும் சிறப்பான லீட் வைத்துள்ளார். அந்த லீட்ஸ் எல்லாம் பின்பாதியில் ஓப்பன் ஆகும் போது அட போட வைக்கிறது. துளியும் என்கேஜிங் குறையாமல் படத்தைத் தந்து இந்த Week End-ஐ காப்பாற்றியுள்ளார் இயக்குநர்

“ஒரு தப்பு நம்ம வாழ்க்கையை நல்ல விதமா மாற்றும்னா..அந்தத் தப்பைச் செய்வதில் தப்பே இல்லை” என்று துவங்கி , நாம் செய்யும் தப்பு அடுத்தவர்களைப் பாதிக்கும்னா அதைச் செய்யவே கூடாது என்று முடித்த விதம் க்ளாஸிக்🔥

போலி சர்பிகேட் மூலம் ஒருவன் ஒரு கம்பெனிக்குள் நுழைந்தால், அங்கு ஒரு நல்ல படிப்பாளியின் வாழ்வு காவு வாங்கப்படுகிறது என்பதை நெற்றியில் அடித்தாற் போல் சொல்லியிருக்கிறார்கள். அவசியமான படம்..அதே நேரம் ஆனந்தமும் தருகிறது.. இப்போ முதல் வரியைப் படிங்க

4/5
-வெண்பா தமிழ்