நிலவுக்கு என்மேல் என்னடி கோபம்- விமர்சனம்

“மண்தோன்றுவதற்கு முன்பே பெண் தோன்றியிருக்க வேண்டும். பெண் தோன்றிய போதே காதல் தோன்றியிருக்க வேண்டும். எவ்வளவோ அறிவியல் மாற்றங்கள் வந்தாலும், காதலின் வடிவம் மாறுமே தவிர, காதல் தரும் வலியும் வழியும் மாறவே மாறாது.

கொஞ்சம் மெனக்கெடலோடு ஒரு காதல் கதையைக் கொடுத்தால் இப்பவும் ரசிகன் கொண்டாடுவதற்கு ரெடியாகவே இருக்கிறான். அதை உணர்ந்தே இயக்குநர் தனுஷ் நிலவுக்கு என்மேல் என்னடி கோபம் என்ற படத்தைத் தந்துள்ளார்.

அப்பர் மிடில் க்ளாஸ் ஹீரோ செப் ஆக இருக்கிறார். நண்பனோடு வாழ்வை அதன் போக்கில் இயல்பாக வாழும் அவருக்கு பெரும் கோடீஸ்வரர் சரத்குமாரின் மகளான அனிகா மீது காதல் வருகிறது. அனிகாவுக்கும் தான். இருவரும் காதலில் உருகிக் களிக்கும் போது, எல்லா காதல் படங்களிலும் துளிர்க்கும் சிக்கல்கள் இந்தக் காதலர்கள் வாழ்விலும் துளிர்க்கிறது. அவை என்ன என்பதும், அவற்றின் முடிவு என்ன என்பதுமாக படம் பயணிக்கிறது.

ஹீரோ பவிஷ் நகல் தனுஷ் போலவே நடிக்கிறார். அசல் தனுஷை நாம் நன்றாக ரசித்துள்ளதால் இந்த நகல் தனுஷும் ஈர்க்கவே செய்கிறார். சில இடங்களில் அவர் நடிப்பு மீட்டருக்குள் வராமலும், மீட்டரைத் தாண்டி இருந்தாலும் முதல் படம் என்பதால் ஓகே. அனிகா நல்ல நடிகை என்பதை சில காட்சிகளிலும், அதீத ஆர்வத்தை சில காட்சிகளிலும் வெளிப்படுத்தியுள்ளார். அஞ்சலியாக வரும் ரம்யா சிறப்பு. படத்தின் பின்பாதியை பாதி தூணாக இருந்து தாங்கியுள்ளார் மாத்தேவ் தாம்ஸ். பெண்டாஸ்டிக் குட்டிச் சேட்டா. “வயதானாலும் சிங்கம் சிங்கம் தான்” என்ற வசனத்தின் வீரியத்தை சற்று நேரமே வந்தாலும் திரையில் காட்டியிருக்கிறார் சரத்குமார்

படத்தை இதயத்தோடு இணைத்து வைக்கும் அத்தனை வேலைகளையும் சிறப்பாகச் செய்துள்ளார் இசை அமைப்பாளர் ஜிவி. பாடல்களிலும் காதல் சொட்டல்ஸ். ஒளிப்பதிவாளர் இயக்குநர் தனுஷின் மனதுக்குள் புகுந்து ப்ரேம் வைத்துள்ளார். அத்தனை ப்ரேமிங்கும் அசத்தல் ரகம்

மிக மெலிதான கதையை கூடுமான வரை இன்ட்ரெஸ்டிங்கான திரைக்கதை ஆக்கியுள்ளார் தனுஷ். முதல்பாதியை கடப்பதற்கு நிறைய சிரமம் இருந்தாலும், படத்தின் டைட்டிலிலே “வழக்கமான காதல் கதை” என்ற டேக் லைன் போட்டிருப்பதால் நாம் சகிக்க வேண்டிய அவசியத்திற்கு ஆளாகிறோம்.
இருப்பினும் சிலபல இடங்களில் காமெடி வொர்க் ஆகவே செய்கிறது. இரண்டாம் பாதியை கேட்கவே வேண்டாம். ஜாலிக்கு 75% கியாரண்டி. படத்தில் காமெடி கூடி வந்த அளவிற்கு எமோஷ்னல் கூடி வரவில்லை. ஆனாலும் இந்த Week-ல் ஒரு descent watch-க்கு உத்திரவாதம் தருகிறது இந்த NEEK..
3/5
-வெண்பா தமிழ்