எம்புரான்- விமர்சனம்

2019-ல் வசூல் வேட்டையாடிய லூசிபர் படத்தின் இரண்டாம் பாகம் இந்த எம்புரான். முதல் பாகத்தில், பி.கே. ஆரின் கட்சியையும் அவரது அதிகாரத்தையும் தவறாகப் பயன்படுத்தும் விவேக் ஓபுராயை கொலை செய்துவிட்டு, பிரித்விராஜ் துணையோடு மோகன்லால் தப்பிப்பார்.

இந்த இரண்டாம் பாகத்தில் வேறோர் பரிணாமம் எடுத்து வருகிறார் மோகன்லால். பிரித்விராஜுக்கு படத்தில் ஒரு பின்கதை இருக்கிறது. அந்தப் பின்கதையில் நிகழும் கொடுமைக்கு காரணமானவருடன் டொவினோ தாமஸ் கூட்டணி சேர்கிறார். அந்தக் கூட்டணியை துவம்சம் செய்ய மோகன்லால் வருகிறார். இவ்வளவே கதை. இதற்குள் சில லேயர்கள் இருக்கின்றன

மோகன்லால் மாஸ் காட்ட மட்டுமே பயன்படுத்தப்பட்டுள்ளார். அவரும் பலமாக மாஸ் காட்டியுள்ளார். பிரித்விராஜ் சிரத்தை எடுத்து நடித்துள்ளார். டொவினோ தாம்ஸ் தனது பங்களிப்பைச் சிறப்பாகச் செய்துள்ளார். மஞ்சுவாரியரும் தனது நடிப்பைச் சரியாகப் பதிவு செய்துள்ளார்.

படத்தின் பிரம்மாண்டத்தை நமக்குள் அவ்வப்போது வைப்ரேட் மோட் வைத்து ஏற்றுகிறது பின்னணி இசை. பிரம்மாண்டத்தின் உச்சமாக ஒளிப்பதிவு அமைந்துள்ளது. மலையாளத்தில் அதிக பட்ஜெட்டில் படமெடுக்க மாட்டார்கள் என்ற பிம்பத்தை இந்த எம்புரான் உடைத்துள்ளது. CG work கூட படத்தில் வொர்க் ஆகியுள்ளது

படத்தின் ஆதாரமான கதையில் எமோஷ்னல் கனெக்டிங் இல்லை. வெற்று பிரம்மாண்டத்தை மட்டுமே எவ்வளவு நேரம் ரசிக்க முடியும். இருந்தாலும் சர்வதேச அரசியல் கூட நம்மூர் காவி அரசியலை எதிர்த்த விதத்திலும் எம்புரான் நம்பிக்கை அளிக்கிறார்
2.75/5
-வெண்பா தமிழ்