ரேசர்- விமர்சனம்

கனவுக்கும் எதார்த்தத்துக்கும் நடுவேயுள்ள நாயகனின் பயணமே ரேசர்

இன்றைய டூK கிட்ஸ்களின் மனநிலையைப் பிரதிபலிக்கும் கதை ஒன்றை கையில் எடுத்துள்ளார் இயக்குநர். ஹீரோவிற்கு ரேசர் ஆகவேண்டும்..அதற்கான பைக் வாங்க வேண்டும் என்பது லட்சியம். ஹீரோவின் அப்பாவிற்கு மகனுக்கு மணம் முடித்து செட்டில் செய்துவிட வேண்டும் என்பதே லட்சியம். இருவரின் லட்சியத்தில் எதுவென்றது என்பதே கதை

கதாநாயகனாக இல்லாமல் கதையின் நாயகனாக ஹீரோ எதார்த்தமாக நடித்துள்ளார். நடிகை லாவண்யா பார்ப்பதற்கு அழகாக இருக்கிறார். அவரது நடிப்பும் குறையின்றி அமைந்துள்ளது. தந்தை கேரக்டர் படத்தில் ஓர் முத்திரை. சரத் உள்ளிட்ட நண்பர்களின் கேரக்டர்களும் சிறப்பு

இப்படியான சிறிய படங்களுக்கு என்னென்ன வகையில் மைலேஜ் கொடுக்க வேண்டுமோ அந்த வகைகளில் எல்லாம் தன் இசையால் மைலேஜ் கொடுத்துள்ளார் இசை அமைப்பாளர். ஒளிப்பதிவும் படத்தின் கதைக்கு ஏற்றாற்போல் துல்லியமாக அமைந்துள்ளது

பரபரவென நகரும் திரைக்கதையில் பன்ச் பன்ச் ஆக வரும் வசனங்கள் கூடுதல் பலமாக அமைந்துள்ளது. இன்னும் எமோஷ்னல் கனெக்டிங்கைச் சரியாகச் செய்து என்கேஜிங் ஃபேக்டரை அதிகப்படுத்தியிருந்தால் ரேசர் செம்ம ஜாலி ட்ரிப்பாக இருந்திருக்கும். இருப்பினும் ஒன் டைம் என்சாய்க்கு உறுதியளிக்கிறது இந்த ரேசர் ட்ரிப்
2.75/5
-மு.ஜெகன் கவிராஜ்

#Racer