ரகு தாத்தா- விமர்சனம்

ஹிந்தியை எதிர்க்கும் தமிழ்ப்பெண்ணின் பெமினிஷம் வென்றதா? என்பதே ரகுதாத்தா

70 கால கட்டங்களில் நடக்கும் கதை. அப்போது தி.மு.க இந்தியை மிகத்தீவிரமாக எதிர்த்தது. அவர்களின் எதிர்ப்பு அடித்தட்டு மக்கள் வரை சென்று சேர்ந்தது. அந்தப்பின்புலத்திலுள்ள கீர்த்தி சுரேஷ் வங்கியில் வேலை செய்கிறார். தீவிர பெமினிஷ வாதியான அவர் தன் திருமணத்தைத் தள்ளிப்போட்டுக்கொண்டே வருகிறார். சரியான மாப்பிள்ளையை தேட நினைக்கும் கீர்த்திக்கு பெண்ணியத்தை ஆதரிக்கும் ஒருவர் செட்டாகிறார். கீர்த்தி தன் தேடல் பூர்த்தியாகிவிட்டது என்றெண்ணும் வேளையில் ஒரு பிரச்சினை தலைதூக்க, கீர்த்தி சுரேஷ் என்ன முடிவெடுக்கிறார்? என்பதே கதை

ஒற்றை ஆளாக படத்தை தன் தூள்மேல் தூக்கிச் சுமக்கிறார் கீர்த்தி சுரேஷ். எமோஷ்னலில் அசத்தும் கீர்த்தி சுரேஷ் காமெடியிலும் கதகளி ஆடியுள்ளார். ரங்கு மாமா கேரக்டர் சமர்த்து என்றால் எம்.எஸ்.பாஸ்கர் கேரக்டர் பக்காவான ரகம். ஒரு டாக்டர் கேரக்டர், கீர்த்தியின் அண்ணன் & அண்ணன் மனைவி கேரக்டர்ஸ் என படத்தில் பெரும்பாலும் எல்லாக் கேரக்டர்களும் ஈர்க்கின்றன. குறிப்பாக ரவீந்திர விஜய் அட்டகாசம் செய்துள்ளார். அவரது உடல்மொழியும் வெளி தெரியாத வன்மம் நிறைந்த ரியாக்சன்ஸும் ஆசம்

படத்திற்கு தேவையான இசையை வழங்கியுள்ள இசைஞருக்கு பாராட்டுக்கள். ஒளிப்பதிவாளர் 70 கால கட்டத்திற்கான வண்ணங்களை தன் கேமராவிற்குள் கொண்டு வந்துள்ளார்

பொலிட்டிகல் சைட்டையர் மற்றும் பேமிலி காமெடி ட்ராமா என்ற வகைமைக்குள் கொஞ்சம் ஹிஸ்ட்ரியையும் கலந்து கட்டி அடித்துள்ளார் இயக்குநர். பத்து ஒன்லைனர் என்றால் நிச்சயமாக 3/7 என்ற அளவில் சிரிக்க முடிகிறது. வெறும் ஒப்பேத்தல் என்றளவில் முன்பாதி இருந்தாலும் பின்பாதி சற்று சுவாரஸ்யமாக பயணிக்கிறது. குறிப்பாக க்ளைமாக்ஸ் டச்சிங்.
அதனாலே ரகு தாத்தா ஓரளவு நச்சிங்

3/5
-மு.ஜெகன் கவிராஜ்