மேக்ஸ்- விமர்சனம்

சாதாரண தாதா போலீஸ் மோதல் தான். ஆனால் அதை விறுவிறு திரைக்கதையில் சொன்னால்… மேக்ஸ் ரெடி

ஹீரோ சுதீப் நேர்மையான காவல் அதிகாரி. அதனாலே அவருக்கு தொடர்ந்து இடமாறுதல் நடந்துகொண்டே இருக்கிறது. இந்நிலையில் அவர் ஒரு காவல் நிலையத்திற்கு வருகிறார். அங்கு டான்கள் சண்டையிடுகிறார்கள். அந்தச் சண்டையில் மரணம் நிகழ்கிறது. அந்த மரணத்தை மறைக்க வேண்டிய நிர்ப்பந்தம் ஹீரோ சுதீப்பிற்கு ஏற்படுகிறது. அந்த மறைத்தலுக்குப் பின்னாலுள்ள விளைவுகள் தான் படத்தின் கதை

படத்தை ஒன்மேன் ஆர்மியாக தாங்கி நிறுத்துவது சுதீப் தான். ஆக்‌ஷன் காட்சிகளில் அநாசயமாக மாஸ் ஏற்றுகிறார். இளவரசு ஏட்-ஆக அதகளம் செய்துள்ளார். ஒரு எமோஷ்னல் காட்சியில் கண்கலங்க வைத்துள்ளார். வில்லன்கள் உள்பட அனைவரும் தேர்ந்த நடிப்பைக் கொடுத்துள்ளனர்

ஒரு ஆக்‌ஷன் படத்திற்குத் தேவையான பரபரப்பை தன் இசைவழியே கொண்டு வந்துள்ளார் இசை அமைப்பாளர். ஒளிப்பதிவாளர் இரவுக்காட்சிகளில் ஓவர்டைம் வேலை பார்த்து, காட்சிகளைச் செதுக்கியிருக்கிறார். ப்ரேமிங்& லைட்டிங் செம்ம. எடிட்டர் ஷார்ப்பாக வேலை செய்துள்ளார்

ஒரு மாஸ் மசாலா படத்திற்குத் தேவையான திரைக்கதையை எழுதியுள்ளார் இயக்குநர். எழுதியதோடு அதைச் சரியாகவும் எடுத்துள்ளார். இன்னும் சில மிச்சசொச்ச காட்சிகளையும் பரபரவென கொண்டு போயிருக்கலாம். சிலபல சமரசங்கள் இருந்தாலும், மொத்தத்தில் படம் தேறிவிடுகிறது

மேக்ஸ்- பாஸ்
2.75/5
-வெண்பா தமிழ்